Almanak Ólafs S. Thorgeirssonar - 01.01.1907, Side 123

ALMANAK I907.
95
Hann var fæddur 14. nóvember igyi í F-latey í Sfejálfanda
og' fluttist ungur með foreldrum sínum til Ameríku.
Var liann látinn njóta náms í æsku eftir föngum, þangað
til hann leysti skipstjórapróf af hendi, er veitti honum
leyfi til að vera skipstjóri á vötnum í Kanada. Kvæntist
hann 29. sept. iSg^oggekk að eiga Vilhelmínu Odds-
dóttur, dóttur síra Odds V. Gíslasonar, en lézt síðastliðið
sumar.
Kjartan var líkur föður sínum að fjöri og dugnaði og
var tálinn af öllum, sem hann þektu, drengur hinn bezti.
Hann var ötull og áræðinn skipstjóri, hagleiksmaður hinn
mesti, er hann gekk til annarrar vinnu, hvers manns hug-
Ijúfi í allri umgengni, félagslyndur og framtakssamur í
því er til heilla mátti horfa. En atorku hans og dugnað-
aðar naut að eins skamma stund. Hann druknaði í
Winnipegvatni síðastliðið sumar 12. júní, þrjár eða fjórar
rnílur suðaustur af Hnausum. En lík hans fanst ekki fyr
en 20. júní, er það rak upp í Eyjólfsstaðafjöru. Han lét
eftir sig ekkju og þrjár dætur.
Það má nærri geta, hve tilfinnanlegur sonarmissirinn
hefir orðið bæði foreldrum og tengdaforéldrum, sem hjá
honum hefði lielzt hugsað til elli-athvarfs. Enda er vest-
ur-íslenzku mannfélagi tjón mikið að slíkum mönnum, er
þeim er bnrtu kipt á bezta aldri. Einkum mun foreldrum
hans vera söknuður sár eftir einkason, og þá ekki síður
hitt að fá ekki lengur haldist við á jörðinni, þar sem þau
hafa eytt öllum kröftum og verða nú, háöldruð bæði, að
hverfa burt þaðan, er þau hefðu belzt viljað fá að loka
augum að loknu verki. En nú er þess eigi langt að bíða,
að við þeim taki vötnin miklu, er öllum er ætlað yfir að
fara. Og er þá vinum þeirra öllum gott til þess að hugsa,
hve vel og örugglega þau styðjast við höndina sterku, er
leitt hefir þau yfir öll vötnin á leið þeirra, heldur þeim enn
uppréttum í vötnum sorgarinnar og leiðir þau að lokum í
friðsæla höfn hinum megin vatna, þegar evjarvistinni er
lokið og þau fá að flytja til meginlands.