Almanak Ólafs S. Thorgeirssonar - 01.01.1917, Qupperneq 107

ALMANAK 1917
101
hétu: Sveinn, Andrés, pórður, Gunnlaugur og Rann-
veig Stefanía. Sveinn og J?órður fóru til Ameríku
árið 1889. pá var Sveinn rétt 20 ára, en pórður 16
ára, hann er fæddur 21. marz 1873. Fargjald höfðu
þeir að eins til Winnipeg. Sveinn réðist í járnbraut-
arvinnu; þá var verið að byggja járnbrautina, sem
liggur um Baldur í Argyle. Hann veiktist af misl-
ingum og var sendur aftur til Winnipeg; lá hann
þar á spítala þar til hann varð heill heilsu aftur; þá
fór hann suður til Dakota. pórður réðist til hér-
lends bónda, alllangt austan Winnipegbæjar, mál-
laus og fákunnandi til vinnu; þar var hann fram
eftir sumrinu, en kunni illa við sig; honum var ætl-
að mikið að vinna, en alt illa þegið er hann vann.
Tók hann þá það ráð, að hann strauk úr vistinni
nótt eina, með föggur sínar, til nágranna eins ekki
alllangt frá, og beiddi hann viðtöku,—hafði kynst
honum lítilsháttar. Hjá þeim bónda var pórður
svo því nær 2 ár og féll þar vel. par lærði hann
enskuna og alla bændavinnu. pá réðist hann til
C.P.R. félagsins og vann á járnbrautum þess fé-
lags. Fór hann þá suður til Dakota og hitti þar
Svein bróður sinn, er þá var farinn að kenna þar á
alþýðuskóla. Fékk pórður vinnu hjá honum og
gott kaup.
Árni Sigurðsson, faðir þeirra bræðra, var lengi
vel mótfallinn Ameríkuferðum, en eftir að synir
hans fóru vestur, snerist honum smátt og smátt
hugur við bréf þau, er þeir skrifuðu honum; lýstu
þeir greinilega öllum ástæðum fslendinga vestan
hafs, er hann hafði áður átt kost á að lesa um, svo
hann afréð að fara með konu og börnum þeirra
tveimur, er hjá þeim voru heima, vorið 1892. fs
hamlaði skipinu fram eftir sumrinu, svo ekki varð
komist af stað fyr en fyrstu daga ágústmánaðar.