Almanak Ólafs S. Thorgeirssonar - 01.01.1917, Page 145

ALMANAK 1917
139
urnar, sem fluttar voru, komu út í öllum blöSum borgarinn-
ar og flugu út um allar áttir; einnig til Kaupmannahafnar;
voru þau þangaö komin löngu á undan mér.
Klukkan sex sama morgun vorurn viö komnir á fley-
ingsferö suður með ströndum Noregs. Viö Hafliði stigum
af í Fredriksværn. Hann og Sigfús Eymundsson, sem var
meö í förinni, geröu skyndiför til Kristjaníu. En eg fór til
lítils bæjar, sem liggur út með Kristjaníu firöi, að finna
hvalfangara einn, sem síðan hefir kunnugur orðið á Islandi,
Sven Foyn, til að þiggja heimboð hans, og var eg hjá hon-
um tvo daga í góðu yfirlæti.
6.
I Kaupmannahöfn.
Frá Fredriksværn fórum við Hafliði til Gautaborgar.
Og þágum þar heimboð Uggla baróns, sem eg kyntist á
sýningunni. Hjá honum vorum við í þrjá daga og skemt-
um okkur mæta vel. — Héldum við nú til Kaupmannahafn-
ar. Voru þá koffort okkar komin frá Björgvin á tollbúð-
ina. Hittum við nokkura landa um kveldið og tóku þeir
okkur forkunnar vel.
Það er skemst frá að segja, að hjólið hafði snúist, og
annað hljóð komið í strokkinn um leið og Björgvinjarblöðin
komu til Hafnar. Tóku þá dönsk blöð að birta ritgerðir
hverja á fætur annari um óhróður þann, er sendimaður
Dana hafði borið út í Danmörku um sýninguna. Var beinst
að honum og hann víttur all-harðlega fyrir lélega aflokið
erindi og annað fleira, svo hann hafði hina mestu hneisu af.
Ýmsir, sem aldrei höfðu sýnt mér nein veruleg vinahót.
/íldu nú hefja mig til skýjanna; var Grímur Thomsen einn
þeirra.
Við vorum í Kaupmannahöfn i bezta yfirlæti. Fjórða
daginn, sem við dvöldum þar, var audicns-dagur hjá kóngi.
Við fengum bendingu um, að hann vildi sjá okkur sýningar-
mennina. Gengum við þá upp á Kristjánsborgarslot. Var
fjöldi fólks í forsalnum og beið þar í þeim erindum að fá
að ganga fyrir konung. Éftir litla stund kom einn þjónn-
inn, er stóð á verði við dyrnar inn til konungs, og sagði
okkur, að við værum næstir í röðinni til að ganga fyrir