Alþýðublað Hafnarfjarðar - 18.12.1964, Page 19

ALÞÝÐUBLAÐ HAFNARFJARÐAR
19
Á skólamötínni.
íslandsmeistari í 100 m hlaupi
1936. Þá vorum við í Hafnarfirði
farnir að senda keppendur í
ýmsar greinir á hverju Islands-
móti og það með góðum árangri.
SUNDIÐ VAR KENNT
í GRÝTTRI FJÖRU
Ég tók við sundkennslunni
fyrsta vorið, sem ég var í Hafn-
arfirði. Sund hafði þá verið
kennt í bænum síðan 1908, sama
árið og bærinn fékk kaupstaðar-
réttindi. Annars hefur Gísli Sig-
urðsson lögregluþjónn skrifað
fróðlega grein um sundkennsl-
una hér í Jólablað Alþýðublaðs
Hafnarfjarðar 1960.
Kennslan fór fram í fjörunni
skammt þar frá, sem sundhöllin
stendur nú. Þátttaka var mikil
í sundinu, einkum þegar gott
var veður, sólskin og hiti. Þá
var mikið urn börn og unglinga
á fiskreitunum, og þau komu í
stórum hópum í sjóinn eftir há-
degið, meðan fiskurinn var að
þorna í sólskininu, og fóru svo,
þegar átti að fara að taka saman.
Ég held, að sundgestirnir hafi
skipt hundruðum suma dagana.
Sumir komu á hverjum degi,
hvernig sem viðraði. Margt af
þessu fólki kunni að synda, sumt
var ágætlega synt, annað miður,
margir gátu rétt fleytt sér, aðrir
voru byrjendur. Og þetta fólk
var á öllum aldri, en í þeim
hópum, sem sóttu stöðuga
kennslu, bar auðvitað mest á
börnum. — Ég byrjaði vanalega
að kenna eftir hádegið og
kenndi til kl. 4 eða 5, og svo
kenndi ég líka á kvöldin, stund-
um lengi fram eftir.
Þarna var dálítill skáli, sem
notaður var til þess að hafa
fataskipti í. En þegar aðsókn var
mikil, reyndist hann öldungis
ófullnægjandi. Þá fóru margir
úr í gjótum og lautuin í hraun-
inu, þar var nóg blessað skjólið.
Það var einkum tvennt, sem
gerði sundkennsluna erfiða
þarna vestur frá. Fjaran var
stórgrýtt og grjótið hvassbrýnt
og eggjótt. Það varð að fara
varlega til þess að rífa sig ekki
á því. Það erfiðasta fyrir nem-
endurna var stundum að komast
í sjóinn. Svo lagði stundum báru
þarna upp að, og seinni hluta
sumars var þar oft sannkallað
brim. Það gerði sundið varhuga-
vert og jafnvel hættulegt þeim,
sem lítið kunnu. En skelfing
þótti nú mörgum yndislegt að
láta ölduna lyfta sér.
IJtileikfimi.
Svo var annað: Þarna er að-
djúpt, og stafaði af því mikil
hætta fyrir byrjendur. Og alltaf
varð að hafa gát á því, að fólk
hætti sér ekki of langt frá landi,
sérstaklega það, sem hélt, að
það gæti dálítið. Við reyndum
að láta það synda meðfram fjör-
unni. En það var erfitt að gera
hvort tveggja í einu: kenna byrj-
endum og hafa vakandi auga á
hinum, sem lengra voru komn-
ir. Það kom fyrir, að við urðum
að ná í bát og senda hann á
eftir fólki, sem hafði farið of
langt út. Ég man eftir því, að
einu sinni missti ég tvo stráka
út á fjörðinn; þeir áttu að synda
fram með fjörunni, en datt í
hug að synda út að skipi, sem
lá á höfninni, og heyrðu ekki,
þegar ég kallaði í þá, eða
gegndu því ekki, og þegar ég
var búinn að láta ná í bát og
senda á eftir þeim. voru þeir
komnir langleiðina yfir fjörðinn.
— En aldrei urðu nein slys við
kennsluna; það varð auðvitað
stöku sinnum að bjarga nem-
endum, sem fataðist sundtökin,
en það voru alltaf betur syndir
menn viðstaddir til að gera það;
— ég held að ég hafi ekki þurft
sjálfur að stinga mér nema einu
sinni eða tvisvar af þeim sök-
um.
Við héldum sundmót á hverju
ári, stundum hjá Gömlu bryggj-
unni, stundum hjá bryggju, sem
var hjá íshúsi Ingólfs Flygen-
rings, og fram af fjörunni, þar
sem skipasmíðastöðin Dröfn er
nú. Mótið fór vanalega fram
seint í ágústmánuði. Þar var
keppt til frægðar og verðlauna
og ýmsir gátu sér góðan orðstír,
en bezt var, hve margir tóku
venjulega þátt í þessum mótum.
Gleðileg jól!
Prentmyndagerðin Hringbraut 37
Hafnarfirði
Óskum öllum Hafnfirðingum
gleðilegra jóla
góðs og gæfuríks komanái árs.
Þökkum viðskiptin á liðna árinu.
GLERSLÍPUNIN
Reykjavíkurvegi 16
Gleðileg jól!
Gæfuríkt komandi ár.
Þökkum viðskiptin á árinu sem er að líða.
KJÖT og FISKUR
Vesturbraut 12 - Hafnarfirði
Gleðileg jól!
Gott og farsælt komandi ár.
Þökkum viðskiptin á árinu sem er að líða.
RAGNAR BJÖRNSSON H.F.