Jólablað félagsins Stjarnan í austri. - 24.12.1919, Síða 28

þvi, af fremsta megni kapps um, að vinna að því að fyrir-
ætlanir hans komist í framkvæmd.
Slíkir menn, sem nú hefur verið lýst, tilheyra hinum ytra
félagsskap hins mikla bræðralags, er vér nefnum samfélag
heilagra. I3eir hafa verið teknir inn í hina ósýnilegu kirkju;
en þeir hafa samt ekki tekið svo miklum andlegum þroska,
að þeir geti þegar orðið vígðir leiðtogar hennar og þjónar.
Þeir hafa þegar lagt inn á hina réttu braut, en eru ekki
enn þá meðal hinna andlegu mikilmenna, sem eru þegar
orðin fullkomnin.
Því þeir menn, sem hafa gengið þessa braut til enda, hafa
lært alt, sem lært verður hér í þessum heimi. Og þeir hafa
hafið manneðlið upp til guðseðlisins og eru prestar »ekki
samkvæmt boði holdsins, heldur samkvæmt mætti hins
eilífa lífs.«
Þeir lifa að eilífu i guði.
Þeir eru og verðir og verndarar mannkynsins, hinir hei-
lögu, sem stýra rás viðburðanna í heiminum, eldri bræður
mannanna barna og kirkja hinna frumgetnu; nöfn þeirra
eru rituð á himnum.
Þeir voru einu sinni menn eins og vér erum nú, en nú
eru þeir mönnum meiri.
Þeir lifa nú að eins, til þess að gera vilja guðs, gæta fjár-
sjóða hinnar eilífu vizku, leiða í ljós hinn eilífa kærleika og
útbreiða hin guðdómlegu sannindi.
Sumir þeirra lifa sem menn hér í heimi og tilheyra ýms-
um þjóðum. En þeir hafa sig fæstir mjög í frammi og
sækjast ekki eftir því að vera mikið við hin opinberu störl'
riðnir. Þeir gera og aldrei kröfur til þess, að sér sé trúað
öðrum mönnum fremur. En hvar svo sem þeir fara og