Jólablað félagsins Stjarnan í austri. - 24.12.1919, Side 49

lægum trúmanni með Rómverjum hafi blöskrað að sjá
hvernig einni hinni helgustu trúarhátíð þeirra tíma var
varið til þess að eíla spillinguna með þjóðinni. En þá leið
ekki á löngu, unz nýr siður ruddi sér smám saman til rúms
og fékk breytt »Bacchanalíunum« í reglulega og blessunar-
ríka trúarhátið.
Eins og áður er sagt, trúðu fornmenn því, að hinna guð-
dómlegu áhrifa gætti sýnu meira um jólaleytið en aðra tima
árs. Og það er eins og sú trú hafi ekki verið gripin úr
lausu lofti. Þvi þrátt fyrir alla vantrú og hálfvelgju, sem
verður æflnlega samfara »ljósaskiftunum« í heimi trúarinnar,
er sem kærleiksáhrif jólanna fái haldist óbreytt. Það er sem
heilagur kærleiksstraumur falli um heim allan á hverjum
jólum og glæði það, sem bezt er í fari mannanna, — mann-
kærleikann.
Trúargleði jólanna hefur að vísu farið nokkuð aftur í
kristninni. En það er um liana eins og um hinn gullfjaðraða
fugl, Fönix, sem sagan segir að hafi flogið niður og sezt á
altariseldinn í musteriou í Heliopolis. Hann brann þar að
vísu, en hann reis upp aftur úr ösku sinni, fegri og glæsi-
legri en fyr. Þegar nýr siður kemur til sögunnar og hefur
rutt sér til rúrns, mun trúarfögnuðurinn fá risið aftur upp
frá altari hinnar endurreistu guðstrúar. Þá munu hinar
kristnu »Bacchanalíur« fá breyzt í enn þá blessunarríkari
trúarhátíð en vér þekkjum. Þá mun trúin ekki þurfa framar
að leita styrks hjá hinum misjafnlega hollu nautnameðulum,
og verða einfær um að gefa mönnunum gleðileg jól.
Sig. Kristófer Pétursson.
47