Kirkjuritið - 01.06.1938, Síða 42

256
Erlendar fréttir.
Júni.
Chiang Kai-shek og kristniboðið.
Chiang Kai-shek, yfirherforingi Kinverja, hefir lýst þvi yfir, að
ríkisstjórnin í Kína afnemi bannið gegn því, að kristniboðarnir
liaidi uppi trúarbragðakenslu við skólana í landinu. Ástæðuna
til þessa kveður Chiang Kai-shek vera þá, að stjórnin vilji votta
kristniboðunum virðingu sína fyrir hugrekki þeirra og fórnar-
þjónustu á stríðstímunum.
Starf kirkjunnar að einingu og friði.
Jafnframt stríðsfréttunum berast viðsvegar að fregnir um vax-
andi friðarstarf kirkjunnar.
Kristinn æskulýður Norður-Afríku hefir stofnað félag til efl-
ingar einingu og friði. Eru í því ungir menn úr öllum kirkju-
deildum.
Ungir stúdentar í Bandaríkjunum liafa haldið þing í því mark-
miði, að sameina kirkjudeildirnar og efla réttlæti og sanngirni
í þjóðfélagsmálum. Hafa ályktanir þingsins verið sendar Roose-
velt forseta. Samskonar hreyfingar hafa risið í Sviss og á Frakk-
landi. Hafa evangelsku kirkjudeildirnar á Frakklandi allar sam-
einast.
í Rússlandi verða ofsóknirnar gegn kristinni trú til þess, að
kristnir menn fylkja sér fast saman um kjarna kristindómsins,
hvað sem skoðunum þeirra kann að líða að öðru leyti.
I Kína stendur ,,Heili)g, almenn kirkja Kína“ fremst í friðar-
starfi. í henni eru 13 stifti, og 6 þeirra stjórna kínverskir bisk-
upar. Hún hefir skipulagt víðtækt hjálparstarf til þess að reyna
eftir megni að bæta úr hörmungum stríðsins.
Á Indlandi halda kristnir stúdentar þing og gjöra m. a. þessa
ályktun: „Sundrung kirkjunnar er syndsamleg. Til þess að geta
orðið eitt, þurfum vér að skilja orsakirnar að klofningunni.
Vér verðum hver um sig, að læra að þekkja og meta andlegan
arf annara kristinna manna og lifa í samfélagi við þá. En um
l'ram alt verðum vér að biðja þess án afláts, að oss megi auðnast
það, að verða allir eitt. Vér skulum allir vinna að því, unz vér
getum hizt við borð drottins, lausir við mikillæti og hleypi-
dóma, einn drottinn vor, ein kirkja, ein von“.
Alt slikt starf miðar eitthvað í áttina að því marki, seni
enn virðist óra fjarri, að friði á jörðu með öllum þjóðum. A. G.
Kirkjuritið kemur út 10 sinnum á ári — alla mánuði ársins nema
ágúst og septembermánuð -— um 26 arkir alls og kostar kr. 5.00
árgangurinn. Gjalddagi 1. apríl — og 1. okt., ef menn kjósa held-
ur að borga í tvennu lagi. Afgreiðslu og innheimtu annast séra
P. Helgi Hjálmarsson, Hringbraut 144, simi 4776, Reykjavík.