Kirkjuritið - 01.01.1960, Qupperneq 12

6
KIRIÍJURITIÐ
leiðbeina vegfarendum, til þess að bjarga þeim, sem kannast
við nafn hans. Þú myndir leita uppi þennan vin, þú myndir alls-
hugar feginn og glaður taka í útrétta hönd hans, og þótt hann
hyrfi þér sýnum eða augu þín gætu ekki greint hann í skugg-
sýni völundarhússins, þá myndirðu ekki sleppa augum né huga
af nafni hans, því að þú myndir vita, að þú gætir alltaf áttað
þig eftir því, já, þú værir í rauninni kominn heim.
Þetta er líking, vinur minn. Hvað ert þú í þessari stóru og
dularfullu tilveru annað en áttalaust barn í furðulegu völund-
arhúsi ?
Og hvað gerist svo í dag?
Hið stutta guðspjall nýársdagsins bregður upp fyrir augum
þér einu nafni: Hann var látinn heita Jesús.
Með þessu vill kirkjan þín, Drottinn þinn, segja við þig:
Þessu nafni er árið nýja innsiglað og allur tímans vegur. Og
meira en það: Þetta nafn afhjúpar leyndarmálið mikla um það,
hver tilveran er í innsta grunni, hin stóra, óræða tilvera,
hverju hún lýtur, hver hana á, hver þú ert, hvaðan þú barst
hingað, og hvert þig ber, ef þú kannast við það vald, sem þetta
nafn opinberar og gengst undir það. Því að þetta vald er ofar
þeim lögum, sem tíminn lýtur, Jesús Kristur er hinn fyrsti og
hinn síðasti, upphafið og endirinn, í gær og í dag hinn sami
og um aldur. Veggurinn framundan þér er brostinn, dauðans
kaldi múr, Jesús fór þar inn og sigraði öll ill álög, þar er far
eftir bjarg, sem var bylt frá, þegar lífsins og kærleikans sigur-
hetja hafði unnið. Og handan er upprisan og lífið. Og þetta
vald er ofar þeim mætti, sem fortíðin hefur yfir framtíð þinni
og nútíð. Þegar Guð lét boða komu hans, bauð hann og sagði:
Þú skalt kalla nafn hans JESÚS, því að hann mun frelsa lýð
sinn frá syndum þeirra. Hann megnar að leysa þann læðing,
sem víxlspor og vani hafa á þig lagt. Hann segir: Sjá, ég gjöri
alla hluti nýja. Hann á það lykilsvald að þínum innra heimi,
sem getur breytt honum í ríki friðar og birtu og kærleiks. Hann
kom í fylling tímans, — þess minnumst vér á jólum —, það
þýðir: Hann er merking, ráöning allra tíma, og það er fylling
tímans á ferli hvers manns, þegar hann kemur, þegar hann
verður lausn hjartans og líf þess, því að það er hann, sem opin-
berar, hvað lífið gildir, hann sem skapar því gildið, hann, sem