Sjómannadagsblaðið - 01.06.1992, Síða 84

82
SJÓMANNADAGSBLAÐIÐ
Hann keypti öll verzlunarhús Þor-
s.teins Egilssonar sjö að tölu og lóð og
bryggjur ,á Hamarskotsmöl. Floti
þessa atkomumanns varð næstu ár
með 40% af fiskafla í Hafnarfirði.
Það voru þessir þrír, sem lyftu
Hafnarfirði úr lægðinni.
Islandssagan er samfelld saga um
einstaklinga sem valda örlögum
byggða.
Hafnfírðingar náðu
næstu lest dagsins
Rétt sem jarlarnir tveir og Pétur J.
Thorsteinsson hafa snúið þróuninni í
Hafnarfirði við og fólk fór á á ný að
flytjast í þennan stað, reis hvert stór-
fyrirtæki útlendra manna af öðru á
staðnum, Brydeverzlun hóf 1902
kútteraútgerð frá Hafnarfirði með
fjórum kútterum, þá næst skaut sér
inn íslendingurinn Sigfús Sveinsson
með 3 kúttera jafnt og hann reisti
fiskverkunarstöðina Svendborg.
Falck konsúll, Norðmaður frá
Stavanger kom með tvo litla togara,
Atlas og Albatross 1903-4 og það var
hann, sem með útgerð þeirra skipa
frá Hafnarfirði hóf síldveiðar með
herpinót fyrstur manna hér við land
og er það ekki lítill atburður í ís-
lenzku fiskveiðisögunni. Enn er að
nefna Norðmanninn H.W. Friis, en
hann hóf útgerð lóðabáta, og þeir
urðu einir fimm um skeið. Og 1904
keypti Ágúst Flygenring gufubátinn
Leslie og gerði hann fyrstur íslend-
inga út til veiða með herpinót fyrir
Norðurlandi.
Pá er það næst að telja að hinn
jarlinn, Einar Þorgilsson, tók að gera
út frá Hafnarfirði fyrsta íslenzka
togarann sem kom til landsins 6.
marz 1905, og tæpum tveimur árum
áður en fyrsti togarinn, Jón forseti
kom til Reykjavíkur. Coot-útgerðin
var frysta togaraútgerðartilraunin,
sem lánaðist hérlendis sem fyrr segir.
Báðir ráku jarlarnir jafn't þessu kútt-
eraútgerð sína 3-4 kúttera hvor og
juku fiskkaup sín. Menn í nærliggj-
andi plássum allt suður til Keflavíkur
tóku að verzla við þá og verzlanir
þeirra urðu þær stærstu í bænum.
Báðir munu jarlarnir hafa lánað
mönnum efni til húsbygginga og
gerðu fólki kleyft að koma sér upp
ódýrum timburhúsum, járnklædd-
um, sem kostuðu fyrir fyrri heims-
styrjöldina 700-1200 krónur. Fólk
greiddi þessi lán með vinnu sinni.
Himalaya 55 tonn.
Surprise 70 tonn.