Eimreiðin - 01.07.1954, Qupperneq 50

202
ÓLAFUR I HVAIJ.ÁTRUM
eimbeiðiK
kunnugra og skilríkra manna stór vexti, ramur að afli, spak-
lyndur og drjúggreindur, hlýr í viðmóti og notalegur við nánari
kynni, en annars dulur, einraenn, ómannblendinn nokkuð og
óhlutsamur um annarra hag. Vildi einnig vera einn um sitt
og var allur í búskap sínum. Hann var heimilisfaðir ágætur,
búhöldur góður og ráðsvinnur. Var hann í ýmsum búnaðar-
háttum allni)ög á undan sínum tíma, og mun það hafa átt sinn
þátt í, að hann hlaut verðlaun „Framfarastiftunarinnar“. Björg,
kona hans, var tiginmannleg, fasprúð og stillt, og þótti um það
líkjast móður sinni. En hún mun og í allríkum mæli hafa
verið gædd skörungsskap föður síns, Eyjólfs Eyjajarls, og mælt
var, að hún leitaði ekki ávallt ráða bónda síns, ef hún hafði það
í hyggju, sem hún hugði að hann mundi snúast við öndverður.
Ekki var þó talið, að þau hjón bæru hvort annað ráðum, og
var sambúð þeirra hin bezta, því að hvort mat annað mikils.
En hitt er augljóst, að grunnt hefur verið í Björgu húsfreyju
á stórmennsku forfeðra hennar, og ætla ég, að Ölafur sonar-
sonur hennar í Látrum muni hafa erft þar af drjúgan skerf.
Bergsveinn, faðir Ólafs, var enginn athafnamaður til land-
búnaðar, enda ábýlisjörð hans í Bjameyjum þannig háttað, að
litlu starfi varð þar komið við í þeim efnum. Hafa Bjarneyjar
allt síðan í fornöld einkum verið fiskistöð, en eyjarskeggjar
stuðzt við grasbýli. En Bergsveinn var sjómaður góður og að-
dráttamaður mikill og bátasmiður með ágætum. Stundaði hann
þær smíðar mikið fyrir ýmsa, þegar frá tók um fiskiróðra, smíð-
aði að jafnaði bát á hverju ári og stundum fleiri.
Ólafur Bergsveinsson vandist þegar á unga aldri allri vinnu
á sjó og landi, svo og smíðum, einkum bátasmíði, sem þeir
feðgar unnu allir mikið að. Mun hagleikur þeirra og smíða-
hneigð hafa legið í ætt þeirra frænda allt frá forföður þeirra,
hinum nafnfræga bátasmið Alexíusi á Kambi í Trékyllisvík,
er kvæntur var Þorbjörgu Halldórsdóttur prests á Stað i Stein-
grímsfirði, Magnússonar prests þar, er kominn var af Heydala-
ætt. Víst er um það, að margir hafa þeir frændur verið hag-
leiksmenn og afkastasamir smiðir.
Ólafur Bergsveinsson gerðist þróttmikill þegar í æsku, ein-
ráður nokkuð og jafnvel ófyrirleitinn um að hafa sitt mál fram,
og eru enn í minni nokkur dæmi þess. Afi hans átti bát, er