Eimreiðin - 01.05.1969, Page 39

Þrjú Ijóð
Eftir
Gunnlaug Sveinsson
HAMINGJA
Það var sólskin og kitlandi gola
Ég kyssti stúlkuna mína
og sagðist elska hana
Svo gengum við hönd í hönd
niður annríka götuna
og enginn tók eftir því
að við áttum allan heiminn
HEIMA
Móðir mín raular
yfir rjúkandi pottum á eldavélinni.
Hamrandi tónlist úr herbergi bróður míns
vitnar eirðarlaust um tilveru okkar.
Slög klukkunnar á veggnum
brjóta engar eilífðir
og systir mín leggur á borð.
Svo eru útidyrnar opnaðar
og faðir minn stendur í gættinni
og innan stundar erum við öll sezt að snæðingi.