Eimreiðin - 01.05.1969, Page 49

MORGUN A HEIÐI
Eftir
Ingólf Kristjánsson
Á misturblárri heiði
í morgundögg á grasi
við mættumst fyrir löngu.
Þar grásteinn beið við veginn
og gamburmosi á bala
og gil og lækir hjala
á sinni morgungöngu
um ástina og vorið.
Og fuglar flugu um heiði
með fjaðraþyt og masi
og fé á spássérgöngu
um holt og mýrarsund.
En grásteinn lagði vangann
að gamburmosa á bala,
— hve gaman var að smala
og lifa þessa stund
við hjarta landsins hreina
á heiði í morgunsvala
og heyra steina tala
um vorið
endurborið,- 1; ::i .