Ægir - 01.01.1934, Blaðsíða 13

ÆGIR
7
leyti, einkum þó vegna ógæfta, sem voru
þar um það leyti, því fiskur virtist vera
þar allmikill á miðunum um tima. Af
þessum sömu ástæðum var netjatapið
með mesta móti.
Frá Stokkseyri gengu 6 vélbátar minni
en 12 smálestir og 1 opinn vélbátur og
um tíma 1 árabátur. Afli var þar góður
eða líkur og árið áður. Samtals veiddust
þar 301 smálest (317).
Frá Eyrarbakka gekk 1 mótorbátur
minni en 12 smálestir, 1 opinn vélbátur
og 1 árabátur. Hefur því útgerðin þar
dregist mjög saman. Afli var þar 63 smá-
lestir (122).
Sem útvegspláss dragast nú þessir staðir
báðir mjög saman, enda eru skilyrði þar
miklu betri til ræktunar en í ílestum
öðrum veiðistöðum, enda hefur henni
fleygt þar mjög fram á seinni árum,
einkum þó garðræktinni, en sökum
kartöflusýki, sem mikið bar á í flestum
stöðum á Suðurlandi, varð árángurinn
verri á þessu ári en við mátti búast.
Þrátt fyrir þetta mun útgerð smærri
báta haldast nokkuð við á þessum stöð-
um, þar sem þeir liggja mjög skammt frá
auðugum fiskimiðum, þó að þeir sökum
brima og óhægrar aðstöðu, að því er
landtöku snertir, geti ekki framfleytt í-
búum sínum á fiskiveiðum einum saman,
eru þær héruðunum til mikillar hjálpar,
í sambandivið annan atvinnurekstur.
Á aukaþinginu nú í haust heimilaði
Alþingi ríkisstjórninni að ganga t 85 þús.
króna ábyrgð fyrir samvinnufélag sjó-
manna á Stokkseyri til aukinnar útgerð-
ar þar i verstöðinni, og má ganga út frá
að sú heimild verði notuð.
Eins og undanfarin ár hefur Grinda-
vík verið með mestu uppgangs-verstöðv-
um fjórðungsins. Á vertíðinni gengu þaðan
35 opnir vélbátar (29).
Strax í marzbyrjun var kominn þar
óhemju afli og hélzt hann út marz og
aprílmánuð, þó gengu þar úr, eins og
jafnan í brimalendingum, margir dagar
sökum ókyrðar, en vertíðin var þar
endaslepp, því sáralítið aflaðist þegar
kom fram i maimánuð. Afli 1212 smál.
(1235).
Grindvíkingar halda stöðugt áfram að
búa í haginn fyrir útgerð sína, bæði með
bættu vegakerfi innan sveitarinnar, við-
bót og endurnýjun húsa og báta, að
ógleymdum lendingarbótum, sem þeir
hafa framkvæmt á siðari árum.
Eg gat um það í síðasta ársyfirliti
mínu (Ægi 1. tbl. 1933) að í Járngerðar-
staðarhverfinu, sem er eitt af þrem-
ur útgerðarhverfum Grindavíkur, hefði á
því ári verið fullgerður varnargarður og
bátabryggja og nú á þessu ári var gerð
samskonar lendingarbót í Forkötlustaða-
hverfinu, sem er austasta hverfið í vík-
inni.
Um miðjan marz kom mikil loðnu-
ganga upp að Grindavik, en loðnu hefur
lítið orðið hér vart í nokkur ár.
Frá Höjnum gengu 11 bátar framan af
vertíðinni, en 20. marz fórst einn af
þeim i róðri og gengu eflir þann tima
10 bátar þaðan (8). Afli var þar frekar
tregur eða að minnsta kosti mikið minni
en undanfarin ár. Alls var saltað þar 241
smálestir. (357), en auk þess selja þeir
mikið af ferskum fiski til Reykjavíkur
og til útflutnings, einkum þó yfir sumar-
tímann eða utan vertiðar.
Frá Sandgerði gengu 15 bátar, þar af
12 stærri en 12 smálestir, og auk þess
16 opnir bátar, þegar leið á vertíðina.
Afli var þar ágætur og var saltað 1930
smálestir (1631). Eins og annarstaðar á
þessu svæði hætti snögglega að aflast þar
fyrri hluta maímánaðar.
Frá Garði og Leiru gengu 4 opnir
bátar (6) og auk þess lagði einn stór