Ægir - 01.01.1934, Blaðsíða 14

8
ÆGIR
bátur nokkurn afla á land í marzmánuði.
Afli 208 smálestir (83). Um tíma var
þar ágætis afli í net.
Frá Keflavílc og Njarðvikum gengu 27
bátar, allir nema 2 yíir 12 smálestir, og
er það iík bátatala og árið áður. Auk
þess gengu þaðan 6 opnir bátar síðari
hluta verlíðar. Afli varð þar samtals
3709 smálestir (3564).
í Keflavík voru að tilhlutun Útvegs-
bankans, sem nú er eigandi Keflavíkur,
gerðar allmiklar umbætur. Voru byggð
þar stór og vönduð aðgerðar- og sölt-
unarhús, í stað gömlu og þröngu krónna,
sem menn urðu að sætta sig við áður,
hjá nokkrum hluta útgerðarinnar. Auk
þess var byggður þar sjógeymir og sjór
leiddur úr honum til fiskhúsanna og að-
gerðarstöðvanna, á þvi svæði sem hann
nær til. Er þetta hin mesta endurbót og
hlýtur að hafa mjög bætandi áhrif á allan
þrifnað og meðferð á fiski, en aðstaða
þarna áður var hin hörmulegasta, meðan
sækja þurfti sjó í stömpum eða tunnum
fram á bryggjur, og var hann þá oft
sparaður meira en góðu hófi gengdi, og
setti það auðvitað sinn svip á fiskinn.
Endurbætur þessar voru að nokkru
leyti gerðar árið áður, eins og getið er
um í fyrra ársyfirliti mínu, en þar sem
þær komu fyrst til notkunar á þessu
ári, enda var þeim ekki fyr lokið, þykir
mér rétt að geta þess hér aftur.
Frá Vatnsleysuströnd og Vogum gengu
tveir stórir bátar eins og árið áður og
nokkvir minni. í ofsa vestan-roki 12.
febrúar rak annan stóra bátinn, »Mun-
inn«, á land og brotnaði hann mikið
og var frá veiðum mestalla vertíðina,
og tók samvinnufélagið, sem bátinn átti,
annan bát 10 smál. á leigu i stað hans,
meðan á viðgerð stóð, og dró það því
mikið úr sjósókn og afla, þar sem þessi
bátur gat ekki sótt jafnt sjó eins og hinn
mundi hafa gert. — Strand þetta bakaði
útgerðarfélaginu því mikið tjón.
Síðari hluta marz og aprílmánuð var
ágætis afli í þorskanet þar, og var það
mest stundað af smærri bátunum, og
var því afkoma þeirra mjög góð. Fiskur
þessi var mjög stór og feitur, 82—85
fiskar i skp., af verkuðum fiski. Afli 390
smálestir (393).
Hajnarjjörður. Faðan voru gerðir út 10
togarar og 5 línugufuskip. Auk þess lagði
Reykjavíkur-togarinn »Kópur« vertíðar-
afla sinn þar á land, gufuskipið »Andey«
og »ólafur Bjarnason« frá Akranesi,
»Bjarki« frá Siglufirði og »Atli« úr Nes-
kaupstað, sem var leigður af hafnfirskri
skipshöfn. 3 mótorskip fögðu afla sinn
upp í Hafnarfirði úr nokkrum veiðiferð-
um. Togara-aflinn nam 8006 smálestir
(4413), en afli línuskipanna 2114 smál.
(1307).
Reykjavík. 1 vertíðarbyrjun voru 24
togarar skrásettir í Reykjavík. »Skúli
fógeti« fórst 10. apríl, en »Kópur« lagði
afla sinn á land i Hafnarfirði, svo þeir
urðu ekki nema 22 togararnir, sem gengu
þaðan alla vertiðina. Togarinn »Hafstein«
frá Flateyri lagði megnið af vertíðar-
aflanum á land í Reykjavík. 7 línuveiða-
gufuskip, sem heima eiga í Reykjavik,
gengu þaðan alla vertíðina, en auk þeirra
lögðu nokkur utanbæjar línugufuskip og
fjöldi mótorskipa meira og minna af
vertíðarafla sinum þar á land. Fiskkaup
af erlendum skipum voru með minnsta
móti, 190 smálestir. Togara-aflinn nam
13798 smál. (10298), auk 745 smál., sem
Reykjavíkur*togarar lögðu upp á Akur-
eyri og Bíldudal. Afli annara skipa, að
meðtöldum aðkeyptum fiski, nam 5011
smál. (2421).
Akranes. Þaðan gekk á vertíðinni 1
línuveiða-gufuskip og 21 bátur stærri en
12 lestir, og er það 3 bátum fleiri en