Tímarit lögfræðinga - 01.03.1951, Qupperneq 58

50
Timarit lögfræöinya
hverjum hætti, enda draga menn bifreiðir víst oftast í
greiðaskyni og endurgjaldslaust, þegar svo stendur á sem
þar. öðru máli kynni að hafa skipt, ef dráttarbifreiðin
hefði verið sérstaklega gerð til dráttar og björgunar bif-
reiða og slíkt hefði verið atvinnuvegur eiganda hennar.
Enn er þess gætandi, að sönnunarákvæði 1. málsgr. 34. gr.
bifrl. geymir afbrigðareglu frá almennum reglum um
sönnunarbyrði, og er því ástæða til þess að skýra hana
þröngt. Henni verður því naumast beitt, nema þar sem
orð laganna beinlínis fá yfir tekið.
Samkvæmt því, sem nú hefur verið sagt, má gera ráð
fyrir því, að venjulegar reglur um sönnunarbyrði verði
taldar gilda í skaðabótamálum vegna dráttar á bifreið,
þegar drátturinn er ekki beinlínis seldur og í atvinnugrein
eiganda dráttarbifreiðar.
III. Ábyrgð eigcmda eða notanda bifreiðar.
Hingað til hefur einungis verið rætt um skaðabóta-
ábyrgð stjórnanda bifreiðar, sem dregur aðra bifreið, og
stjórnanda bifreiðar, sem dregin er. Ef stjórnendur bif-
reiðanna eru jafnframt eigendur þeirra, þá skiptir eignar-
réttur þeirra sjaldan máli að lögum, svo framarlega sem
skaðabótakrafan er tryggð með lögveði í bifreið. þó að
annar en eigandi hennar valdi tjóni. En oft eða jafnvel
oftast er máli svo farið, að bifreiðarstjóri, sem tekur að
sér drátt annarrar bifreiðar, fer með bíl annars manns,
húsbónda síns. Ef slíkur húsbóndi hefur tekið að sér bif-
reiðardrátt og lætur þjón sinn framkvæma hann, þá hlýtur
bifreiðareigandinn að bera ábyrgð á því, að dráttarbíllinn
sé í fullu lagi eftir almennum reglum, og á vangæzlu bif-
reiðarstjóra síns í því starfi eftir reglum þeim, sem eftir
virðist farið um ábyrgð manna á verkum þjóna sinna í
starfi þeirra vegna hans. Húsbóndi stjórnanda dráttarbíls-
ins ber þá ábyrgð á tjóni, sem þjónninn veldur af ásetningi
eða gáleysi. Algengt er það, eins og að var vikið, að bif-
reiðarstjóri hitti á ferðum sínum aðra bifreið, sem ekki
getur lcomizt leiðar sinnar vegna bilunar eða óhapps, og