Tímarit lögfræðinga - 01.03.1951, Page 65

MálamcSfcrð i hæstarctti
57
að birta það hér. En þó er þess gætandi, að bréfið geymir
einnig skipanir til þeirra lögmenna, sem síðar koma, og
mætti þeim hagfelt verða, að bréfið sé nú birt í tímariti
lögfræðingafélags.
En bréf hæstaréttar á erindi til fleiri en hæstaréttar-
lögmanna. Það varðar einnig héraðsdómara. Það er ljóst,
að í því felst óbeinlínis áminning til þeirra um að leggja
fulla rækt við rannsókn alla í opinberum málum, sem ó-
sjaldan hefur reynzt ábótavant, einkanlega af hálfu ýmissa
héraðsdómara utan Reykjavíkur. Samkvæmt gildandi lög-
um um meðferö einkamála eiga héraðsdómarar einnig að
hafa drjúgum meiri íhlutun um gagnasöfnun en áður var,
og má því einnig segja, að bréf hæstaréttar eigi líka erindi
til héraðsdómara varðanai meðferð einkamála.
Þá varðar bréf hæstaréttar mjög héraðsdómslögmenn.
Á það bæði við opinber mál og einkamál. Nú eru héraðs-
dómslögmenn oft skipaðir veijendur sökunauta í héraði.
það er áríðandi að þeir bendi þá þegar héraðsdómara á
þau atriði, sem rækilegar kann að þurfa að rannsaka.
Og þessarar skyldu héraðsdómslögmanna mun þó enn
meir gæta, þegar nýja skipunin um meðferð opinberra
mála er komin á. Athugasemdir þessar taka auðvitað eigi
síður til hæstaréttarlögmanna, þegar þeir starfa með sama
hætti að opinberum málum í héraði. En sérstaklega beinist
bréf hæstaréttar þó að störfum héraðsdómslögmanna og
hæstaréttarlögmanna um störf þeirra varðandi einkamál
í héraði. Þar er sá grundvöllur lagður eða á að minnsta
kosti að vera lagður, sem meðferð og dóm í hæstarétti skal
reisa á, enda er oft svo farið, að sakargagn, sem vel mátti
afla, meðan mál var fyrir dómi í héraði, en vanrækt hefur
þá verið að afla, fæst alls ekki eða kemur eigi að notum
þótt reynt sé að afla þess síðar, t. d. vegna andláts votta,
minnisbrests þeirra, skjal er glatað, síðan mál var fyrir
dómi í héraði o. s. frv.
Þá er vafalaust einnig ástæða til þess, að starfsmenn
dómsmálaráðuneytis athugi bréf hæstaréttar, þótt því sé
ekki þangað beint. Eins og kunnugt er, þá senda rannsókn-