Tímarit lögfræðinga - 01.01.1966, Blaðsíða 12

hinir fyrstu lögmenn hafi verið skipaðir af konungi, en
vel mál vera, og er raunar eðlilegast við því að búast, að
Alþingi hafi formlega staðfest þá skipun. Þeir hafa þá
verið Sturla Þórðarson, sem er einn lögmaður árin 1272—
1277, en einungis vfir Norðlendinga- og Vestfirðingafjórð-
ungum 1277—1283, og Jón Einarsson, sem hefur verið
lögmaður i Sunnlendinga- og Austfirðingafjórðungum
1277—1279 og síðan 1280—1293. í annál einum segir við
árið 1279, að út hafi komið Loðinn af Bakka með lög-
sögn.1 *) Á því sumri, a. m. k. ekki siðar, mun Jón lögmaður
hafa farið utan til að vinna að Jónsbók og flytja hana út
næsta sumar, svo sem hann gerði, en Loðinn af Bakka,
sem var norskur, hefur að líkindum verið sendur hingað
af konungi til þess að. vera í lögmannsembætti þangað
til Jón kæmi aftur. Ætla mætti, að landsmenn hafi ekki
tekið Loðni tveim höndum, en látið sér þó lynda að hafa
hann lögmann eitt ár þegar svona stóð á.
Sturla Þórðarson hefur látið af lögmannsstörfum 1283,
enda segja annálar, að á þvi ári liafi Erlendur Ólafsson
komið út með lögsögn,-) og Sturlunga segir, að Sturla
hafi dregið sig i hlé þegar Staðamál hófust og Jón Einars-
son og Erlendur sterki hafi tekið lögsögu.3) Þótt svona
sé að orði komizt i Sturlungu er vist eftir öðrum heim-
ildum, að Jón Einarsson hafði verið lögmaður á næstu
árum á undan, en Erlendur tók við af Sturlu. Erlendur
kann að hafa verið formlega skipaður af konungi, en
miklu er sennilegra, að íslenzkir leikmenn hafi ráðið utan-
för hans i þágu Staðamála og viljað fá hann i lögmanns-
embætti eftir Sturlu en að þeir, sem umsjá höfðu með kon-
ungi, senr þá var enn á æskuskeiði, hafi ráðið skipun
hans. Erlendur hefur að mínum dómi verið alíslenzkrar
ættar, þótt sumir fræðimenn hafi ætlað hann hafa verið
!) G. Storm: ísl. ann., bls. 29.
-) G. Storm: ísl. ann., bls. 142.
3) Sturlunga, Rvík 1915, IV b., bls. 148.
10
Tímarit lögfræðinga