Tímarit lögfræðinga - 01.01.1966, Qupperneq 21

verið það lengstum þessa tímabils, og þegar lögmanns-
embættið að norðan og vestan varð laust við lát Hclga
Guðnasonar og enginn konungur yfir Noregsríki var við
látinn til að ráðstafa því embætti, hafi Teiti verið falið að
gegna því einnig fyrst um sinn. Það kunna að hafa verið
allmörg ár, og engar heimildir eru fyrir öðrum lögmönn-
um á tímabilinu fyrr en Kristján I er kominn til ríkis í
Noregi.
Teitur virðist hafa talið heimildarbréf sitt fyrir lög-
mannsembætti frá Eiríki konungi svo ríkt, að hann telur
sig enn lögmann nokkrum árum eftir að hann er úr því
embætti farinn,1 2) og auðvitað hafði Alþingi þá fyrir nokkr-
um árum leyst hann frá Iögmannsstörfum. Það virðist
vera andspyrna Teits gegn því að aðrir væru lögmenn,
skipaðir af konungi, sem ekki væri réttilega til ríkis kom-
inn, sem Björn hirðstjóri var að reyna að brjóta á bak
aftur. Svo sem fyrr segir, fékk Oddur Ásmundsson lög-
mannsbréf af konungi fyrir sunnan og austan embætl-
inu.-) Það bréf útvegaði honum Torfi hirðstjóri Arason,
en vel má vera, að Oddur hafi verið kjörinn á Alþingi
áður en bréfið var gefið. Um það vita menn ekkert.
Nú vita menn heldur ekkert um það hvernig var um
skipun eða kosningu lögmannanna á síðara hluta 15. ald-
ar. í stefnu Björns í ögri Guðnasonar til sira Jóns Eiríks-
sonar, sem er ártalslaus en í fornbréfasafninu talin til
ársins 1514, er þessi klausa: „Ég Björn Guðnason stefni
þér etc ... fyrir Jón Sigmundsson lögmann n. og v. á
Islandi til settan og skipaðan af minn herra kónginn að
dæma lög og rétt etc ... eftir því sem hans lögmannsbréf
útvísar11.3) Jón Sigmundsson hefur því haft skipunar- eða
samþykktarbréf konungs fyrir lögmannsembættinu.
Jón Sigurðsson segir í lögmannatali sínu, að Jón Sig-
1) D. I. V, bls. 150.
2) D. I. V, bls. 139—140.
3) D. I. VIII, bls. 532—535.
Tímarit lögfræðinga
19