Tímarit lögfræðinga - 01.01.1966, Page 49

úrslit gengið um hana i Hæstarétti, verður auðvitað við
þá úrlausn að sitja. Hún getur og þá þegar valdið ógild-
ingu síðari athafna, sem á henni voru reistar, ef þess er
krafizt eða Hæstiréttur kveður svo á ex officio.
í þessum lið er hins vegar um það að ræða, eins og
áður segir, að gerðar eru athugasemdir við frumvarp að
úthlutan eða hana sjálfa. Þótt athugasemd sé einungis
gerð við einn lið frumvarps eða úthlutunargerðar, getur
breyting á honum valdið því, að aðrir liðir breytast til
samræmis og mundi þá frv. eða úthgj. felld úr gildi, eftir
kröfu eða ex officio, að því leyti, sem með þarf til þess
að samræmi náist við breytinguna. Skiptaréttur yrði þá að
endurskoða fyrri gerðir í samræmi við niðurstöðu Hæsta-
réttar.
Þess ber héi vel að gæta, að störf skiptaréttar eru að
því leyti ólik starfsemi almennra dómsmála, að ýmsar
gerðir hans eru framkvæmdareðlis og oft gerðar sam-
kvæmt samþylcktum á skiptafundum. Hér verður því
rýmra tilefni til þess fyrir skiptaráðanda að breyta ákvörð-
unum sínum, en hins vegar geta aðilar oft glatað mál-
skotsrétti sínum með beinu eða óbeinu samþjdvki á gerö-
um ákvörðunum eða tómlæti um að gera athugasenulir
í tíma, sbr. t. d. 37. gr. skl.
Um nauðasamninga er þess að geta, að það er einkum
staðfesting þeirra, sem getur fallið undir þennan lið. Hins
ber þó vel að gæta, að nauðasamningar lúta að mestu
ákvæðum einkamálaréttarins um samninga, sbr. m. a. 21.
gr. laga nr. 19/1924. Málskotslieimildir að því er nauða-
samninga snertir eru því einkum miðaðar við formlega
meðferð, en efnislega koma til önnur viðurlög en málskot,
sbr. t. d. 29. sbr. 47. og 48. gr. laga nr. 19/1924.
Hér hafa þá verið lauslega rakin helztu tilvik i skipta-
meðferð, er áfrýjun sæta. Allar aðrar ákvarðanir skipta-
réttar sæta kæru, þ. e. til þess að sjálfstæð áfrýjun sé lög-
mæt, þarf tvímælalausa heimild. Ef sjálfstæð áfrýjun til-
Tímarit lögfræðinga
47