Tímarit lögfræðinga - 01.12.1974, Side 16

kr. 7.600,oo mánaðargreiðslur árin 1972 og 1973 og „deponer-
ingu“ stefndu í apríl 1974 o. fl. Lögmaður stefndu hélt því
hins vegar fram, að hækkun leigu hefði verið óheimil, þó að
hún væri umsamin, en það er annað mál.
2. Þá er þess getið, að ekki hafi komið fram gögn um leigu-
greiðslur stefndu til leigusala fyrir 1. janúar 1973, en þá
varð áfrýjandi, sem jafnframt var gerðarbeiðandi, eigandi
hins leigða húsrýmis. Lögmenn munu lítið hafa fjallað um
þetta atriði, enda engar kröfur komnar út af leigu fyrir 1.
janúar 1973. Hins vegar er þessi fullyrðing líka röng. 1 gi'ein-
argerð áfrýjanda er skýrt frá, að greidd mánaðarleiga á ár-
inu 1972 hafi verið kr. 7.600,oo, og í leigusamningi, sem lá
fyrir í málsskjölum bæði sem sérstakt undirréttarskjal og
einnig þar sem hann var birtur í heild í dómi Fógetaréttar,
segir, að leigan hafi verið kr. 4.000,oo á mánuði miðað við
vísitölu framfærslu í janúar 1965. Skyldi leiguupphæðin end-
urskoðuð einu sinni á ári, í fyrsta sinn 1. janúar 1967. Voru
engar véfengingar um þessi atriði af hálfu lögmanna.
3. 1 dómi Hæstaréttar er talið sýnt af málflutningi aðila, að fjár-
skipti þeirra út af framangreindum atriðum væru um margt
óglögg. Um þetta vil ég segja, að fjárskipti aðila málsins, sem
átt hafa skipti síðan 1. janúar 1973, eru ljós í öllum atriðum,
þannig að enginn ágreiningur var um gi’eiðslur þeirra í milli.
Aðeins ágreiningur um það, hvað átti að greiða, en það var
auk annars verkefni réttarins að taka afstöðu til þess. Væri
fróðlegt nú að gengnum dómi Hæstaréttar að fá upplýsingar
um það, í hvaða greinum fjárskipti aðila hefðu verið óglögg.
4. Hæstiréttur virðist gera að ágreiningsefni með aðilum inn-
búnað húsnæðis en engar kröfur komu fram í skriflegum
gögnum málsins þar um, enda ekki vitað um neinn ágreining
í því sambandi.
5. Þá er komið að því atriði, sem einna mesta furðu mína vakti.
Það er raunar einnig utan við kröfur og málflutning aðila.
Það er yfirlýsing dómsins um, að leigusali eigi samkvæmt
upphaflega leigumálanum að verða eigandi að innbúnaðj
húsnæðisins við lok leigutímans 1. febrúar 1975. Um þetta
segir í leigsamningi aðila: „Leigutaki sér um og greiðir
kostnað við frágang og innréttingu húsnæðisins og skal því
verki vei’ða lokið fyrir 15. maí 1965. Að leigutímabilinu loknu
verða innréttingar eign leigusala að öðru leyti en því, sem