Tímarit lögfræðinga - 01.12.1974, Qupperneq 22

AÐALFUNDUR 1974
Aðalfundur félagsins var haldinn 11. desember s. I. í Lögbergi, húsi laga-
deildar, og hófst hann kl. 5 síðdegis. Formaður, Þór Vilhjálmsson prófessor,
stjórnaði fundinum. Lagði hann fram fjölritaða skýrslu um félagsstarfið á liðnu
ári og gerði að umræðuefni nokkur atriði í henni, einkum Tímarit lögfræðinga,
stofnun ríkisstarfsmannadeildar og störf hennar að sérkjarasamningi við ríkis-
valdið. Þá gerði formaður grein fyrir fundi framkvæmdastjóra norrænu lög-
fræðingafélaganna, er hann sótti í Noregi í október síðastliðnum. Að svo
búnu lagði gjaldkeri félagsins, Stefán Már Stefánsson borgardómari, fram
endurskoðaða reikninga og skýrði þá. Gerði hann ítarlega grein fyrir mismun-
andi samsetningu félagsgjalda. Umræður urðu engar um skýrslur formanns
og gjaldkera, og voru reikningarnir samþykktir.
Síðan fór fram kjör stjórpar og annarra trúnaðarmanna félagsins. Þór Vil-
hjálmsson gaf ekki kost á sér til endurkjörs sem formaður. I hans stað var
kjörinn Jónatan Þórmundsson prófessor. Varaformaður var kjörinn Stefán Már
Stefánsson borgardómari og aðrir í stjórn: Brynjólfur Kjartansson hdl., Hjalti
Zóphóníasson stjórnarráðsfulltrúi, Jón Steinar Gunnlaugsson, lögmannsfull-
trúi, Kristjana Jónsdóttir, fulltrúi hjá Félagsmálastofnun Reykjavíkur, og Þor-
valdur Grétar Einarsson, bankalögfræðingur. I varastjórn voru kjörin: Magnús
Thoroddsen borgardómari, Þór Vilhjálmsson prófessor, Skúli Pálsson hrl.,
Hrafnhildur Stefánsdóttir stjórnarráðsfulltrúi, Þórir Oddsson aðalfulltrúi yfir-
sakadómara, Gunnlaugur Claessen stjórnarráðsfulltrúi, Hjördís Hákonardóttir
sýslumannsfulltrúi. Endurskoðendur voru kosnir þeir Ragnar Ólafsson hrl. og
Árni Björnsson hdl., en til vara Helgi V. Jónsson borgarendurskoðandi og Sig-
urður Baldursson hrl. I fulltrúaráð BHM voru kjörnir: Ragnar Aðalsteinsson
hrl., Magnús Thoroddsen borgardómari og Þór Vilhjálmsson prófessor, en til
vara: Bjarni K. Bjarnason borgardómari, Hallvarður Einvarðsson vararíkissak-
sóknari og Þorleifur Pálsson stjórnarráðsfulltrúi.
Voru þá tekin fyrir önnur mál. Gjaldkeri fráfarandi stjórnar bar upp tillögu
um, að skerfur Lögfræðingafélagsins af félagsgjaldinu yrði hækkaður úr 600
kr. í 900 kr. á mann. Var sú tillaga samþykkt án mótatkvæða.
Orðið var nú gefið frjálst. Tók hinn nýkjörni formaður til máls. Þakkaði
hann fráfarandi formanni og öðrum, er nú láta af störfum í stjórninni, vel unn-
in störf á undanförnum árum. Hann kvaðst ekki telja þörf á miklum breyting-
um á starfsemi félagsins í bráð, þótt auðvitað væri æskilegt að brjóta upp á
einhverjum nýjungum. Starfsemin væri nú á traustum grundvelli. Nýjungar
síðustu ára hefðu gefist mjög vel, svo sem námskeiðahald og hádegisverðar-
fundir. Formaður sagði, að á næstunni þyrfti nauðsynlega að endurskoða félaga
talið og hyggja betur að framhaldsmenntun lögfræðinga, og nefndi hann í því
sambandi tilkomu kjörgreina við lagadeild, er einnig væru ætlaðar kandidötum.
Ekki tóku fleiri til máls, og var fundi slitið kl. 6. Á fundinn komu um 15 manns.
Jónatan Þórmundsson
196