Tímarit lögfræðinga - 01.12.1974, Blaðsíða 41

þörf fyrir réttarbætur. Sambandið hefur einnig oftsinnis beint áskorunum um
samnorrænt löggjafarstarf til sendinefndar Finnlands í Norðurlandaráði. Laga-
náminu og starfsþjálfun lögfræðinga að prófi loknu hefur verið veitt sér-
stök athygli, og fer nú fram endurskoðun reglnannna um þessi atriði bæði.
Sambandið veitir styrki og framlög, og er það liður í þeirri viðleitni að auka
starfshæfni lögfræðinga og menntun. Verðlaun eru árlega veitt þeim lögfræði-
kandidat, sem náð hefur hæsta prófi, og einn eða fleiri styrkir eru boðnir til
námsferða til annarra landa. Sambandið hefur veitt félögum laganema um-
talsverða styrki til að efla starfsemi þeirra almennt. Þá hefur sambandið geng-
ið í ábyrgð vegna námslána fólks, sem býr sig undir hið svonefnda lægra laga-
próf, kandidatspróf eða licenciaspróf.
Sambandið gefur út tímaritið „Lakimiesuutiset — Juristbladet“ til að kynna
starfsemi sína og önnur mál, sem efst eru á baugi. Blaðið kemur út 10 sinnum
á ári, og er því dreift endurgjaldslaust til allra, sem eru í aðildarfélögunum.
Pentti Ajo.
HIÐ SÆNSKA SAMBAND LÖGFRÆÐINGA
OG ÞJÓÐFÉLAGSFRÆÐINGA
Skipulag
Saga þeirra samtaka, er hér verður lýst, verður rakin til áranna 1940 og
1942, þegar stofnuð voru Félag ungra lögfræðinga í Svíþjóð og Hagsmunasam-
tök þjóðfélagsfræðinga. Eftir rúmlega 6 ára starfsemi var þessum félögum
breytt í Lögfræðingasamband Svíþjóðar og Þjóðfélagsfræðingafélag Svíþjóð-
ar. Snemma árs 1968 hófust viðræður um samstarf þessara félaga. Aðalástæð-
an var sú, að á mörgum sviðum voru hagsmunirnir nátengdir. Viðræðurnar
báru árangur, og frá upphafi árs 1969 hafa lögfræðingar og þjóðfélagsfræð-
ingar verið í einum samtökum, JUS, og þar með betur búnir til að vinna að
hagsmunahiálum stétta sinna. JUS er skammstöfun heitisins Jurist- och Sam-
hállsvetareförbundet.
Sambandið er fyrst og fremst félagsskapur lögfræðinga og þjóðfélagsfræð-
inga, en eftir lögum sínum nær það einnig til annarra, sem vinna störf, er
venjulega koma í hlut lögfræðinga eða þjóðfélagsfræðinga. Allmargir opin-
berir starfsmenn, sem vinna sjálfstætt að málum, hafa sótt um aðild að JUS
og fengið hana, þó að þeir hafi ekki háskólapróf. I sambandinu er mönnum
Ijóst, hve nátengdir eru hagsmunir þess stóra hóps innan stjórnsýslunnar, sem
fer með hin vandasamari mál, annaðhvort vegna menntunar eða starfsreynslu.
Er hér að verða þróun, sem kemur vel heim við almenn viðhorf innan JUS
varðandi skipulagsmál.
Sambandið á aðild að SACO (Sveriges Akademikers Centralorganisation),
og frá 1. janúar 1975 mun það verða í hinum nýju heildarsamtökum, SACO
— SR. SR er skammstöfun á Statstjánstemánnens Riksförbund. Þess má vænta
215