Tímarit lögfræðinga - 01.12.1974, Blaðsíða 21
Stjórn Lögfræðingafélagsins 1973—4. Fremri röð frá v.: Jónatan Þórmundsson (varaform.), Þór
Vilhjálmsson (formaður), Stefán Már Stefánsson (gjaldkeri). Aftari röð: Magnús Thoroddsen,
Hjalti Zóphóniasson (ritari), Þorvaldur G. Einarsson, Skúli Pálsson. — Magnús Thoroddsen tók
sæti í stjórninni f ágúst 1974, er Othar Örn Petersen hélt utan til framhaldsnáms.
(Ljósmyndastofa Vigfúsar Sigurgeirssonar sf.)
Hinn 1. nóvember var haldinn hádegisverðarfundur í Þingholti, Hótel Holti.
Þar talaði Baldur Möller ráðuneytisstjóri um starfsemi dómsmálaráðuneytisins.
Fundur þessi var nýmæli í félagsstarfinu, og sóttu hann 58 félagsmenn, sem
er óvenjulega mikill fjöldi á fundi.
Stjórnarfundir á starfsárinu voru 10. Áður er getið um framhaldsaðalfundinn
24. janúar og aðalfund ríkisstarfsmannadeildar, er haldinn var 25. febrúar.
5. Tímarit lögfræðinga.
Alls komu út 4 hefti af 23. árgangi 1973. Ritstjórar eru hinir sömu og 1973
og afgreiðslumaður hinn sami. Þorvaldur Grétar Einarsson hefur tekið við fram-
kvæmdastjórn af Knúti Bruun.
6. Námskeið í vinnurétti.
Lögfræðingafélagið hélt vinnuréttarnámskeið 16.—18. maí. Var það vel sótt.
Framkvæmdastjóri var Páll Sk.úlason lögfræðingur. Um námskeiðið vísast tíl
Tímarits lögfræðinga, 1. heftis 1974, bls. 50. Ætlunin er að fyrirlestrar þeir,
sem fluttir voru á námskeiðinu, birtist í tímaritinu.
7. Samvinna norrænna lagamanna.
Árlegur fundur starfsmanna norrænu lögfræðngasamtakanna var i Noregi
á Skeikampen Hoifjellshotell 19.—22. október, og birtist frásögn af honum í
síðasta hefti, bls. 156—7. Þ. V.
195