Tímarit lögfræðinga - 01.12.1978, Qupperneq 4

líka óneitanlega erfitt að benda á, hvernig nýjar reglur um þessi efni ættu
að vera eða gætu verið. Til þess skortir bæði pólitíska og fræðilega umræðu
og tillögur. En þess er ekki að vænta, að mikilvægur árangur náist nema
rösklega sé tekið til höndum. Þess vegna verður að ræða þessi mál nú og
gera um þau tillögur. Vonandi koma fram góðar hugmyndir og nýtilegar
ábendingar. Vafalítið verður um þær deilt, en hér sem endranær verður að
fást endir þrætunnar, og ákvörðun ber að taka eins og lög standa til. Það
er að vísu sagt, að stjórnmálin séu list hins mögulega, en það þýðir að sjálf-
sögðu ekki, að stjórnmálin séu sú list að láta viðkvæm og vandleyst mál reka
á reiðanum. Það má ekki láta endurskoðun stjórnarskrárinnar bíða með þeim
rökum, að tillögur skorti og vilji sé enginn til að leita þeirra og koma þeim í
framkvæmd. Ef slíkar hugmyndir verða látnar ráða ferðinni, getur okkur rekið
fyrr en varir á sker slíkrar óstjórnar og glundroða, að jafnvel hér norður í höf-
um verði óviðráðanleg upplausn i þjóðfélaginu. Stjórnarskráin verður ekki
það, sem hún ætti að vera: grundvallarlög í réttarríki, ef hún fjallar ekki um
alla þætti þess, sem raunverulega skiptir máli og ríkisstarfsemina varðar. Á
þetta leggur Jón Sigurðsson framkvæmdastjóri áherslu í grein þeirri, sem
birtist í þessu tímaritshefti, og ættu lesendur að hugleiða orð hans. Þeir sem
nú vinna að endurskoðun stjórnarskrárinnar í umboði Alþingis og stjórnmála-
flokkanna bera því rika áþyrgð.
Þ. V.
174