Tímarit lögfræðinga - 01.08.1979, Page 41

Jóhannes Skaftason lektor og
Þorkell Jóhannesson prófessor:
GEYMSLUÞOL BLÓÐSÝNA, SEM TEKIN ERU
TIL ÁKVÖRÐUNAR Á ALKÓHÓLI
Ákvarðanir á alkóhóli (etanóli) í blóðsýnum, er tekin eru úr far-
þegum og ökumönnum vegna gruns um brot á umferðarlögum, hófust
í Rannsóknastofu í lyfjafræði 1.9. 1972. Var þá jafnframt tekin upp
ný og sérhæfð aðferð, gasgreining á súlu, til ákvarðana á alkóhóli.
Hefur þessari aðferð verið ítarlega lýst (Skaftason & Jóhannesson,
1975). Fljótléga varð þó ljóst, að umbúnaði, merkingu og ástandi
blóðsýna, er til rannsóknar bárust, var í ýmsu svo áfátt, að eigi mætti
til frambúðar haldast. Ritaði Rannsóknastofan þess vegna dóms- og
kirkjumálaráðuneytinu bréf að þessu lútandi í ársbyrjun 1973, er
aftur óskaði tillagna Rannsóknastofunnar í málinu. Lok málsins urðu
þau, að ráðuneytið setti 6.5. 1975 reglur um töku, umbúnað, merkingu
og sendingu sýna þessara. Hefur þessum fyrirmælum verið vel tekið
og er nú að því er virðist nær undantekningarlaust hlýtt.
Eitt meginatriðið í fyrrgreindum reglum dóms- og kirkjumálaráðu-
neytisins er, að sagt er fyrir um notkun sérstakra sýnaglasa úr mjúku
plasti (pólýetýlen), er taka um það bil 5 ml af blóði (og fylla skal við
sýnatöku) og í er vegið 0,2 g af natríumflúoríði til þess að varna sega-
myndun og rotnun. Fyrirtækið G. Ólafsson hf. í Reykjavík annast
sölu á glösum þessum með végnu magni natríumflúoríðs í, tilbúnum
til notkunar við sýnatöku.
Á árunum 1973 og 1974 fóru fram í Rannsóknastofunni rannsóknir
á geymsluþoli blóðsýna í glösum þessum við kæliskápshita ( + 4°).
Vegna aðildar Rannsóknastofunnar að norrænu samstarfi um gæða-
mat á alkóhólákvörðunum í blóðsýnum voru tilraunir þessar endur-
teknar á síðastliðnu ári og gerðar fyllri en áður var. Þykir rétt að
kynna lögfræðingum niðurstöðutölur þessara tilrauna á prenti.
87