Tímarit lögfræðinga - 01.12.1989, Blaðsíða 3

rniAim — u
likait cmv.A
4. HEFTI 39. ÁRGANGUR DESEMBER 1989
TÍMARIT LÖGFRÆÐINGA
Tímaritið hóf göngu sína í mars 1951 og hefur komiS út síðan óslitið í nær
40 ár. Útgefandi þess var í fyrstu Lögmannafélag íslands, en með árgangi
1960 tók Lögfræðingafélag íslands við útgáfunni. Fyrsti ritstjóri var dr. jur.
Einar Arnórsson, sem ritaði efni tímaritsins að miklu leyti sjálfur þau 3 ár,
sem hann gegndi starfinu. Honum til aðstoðar var 3 manna ritnefnd. í fyrsta
heftinu gerði ritstjórinn grein fyrir hugmyndum slnum um æskilegt efnisval.
Hafa þær æ síðan verið leiðarljós eftirmönnum hans á ritstjórastóli. Theodór
B. Líndal hrl. og prófessor varð ritstjóri tímaritsins frá og með árinu 1954.
Þór Vilhjálmsson prófessor gegndi ritstjórastarfi við hlið Theodórs frá árinu
1973, uns Theodór lést 1975. Þór gegndi síðan starfinu til ársloka 1983, er
undirritaður tók við því.
Þau 6 ár, sem undirritaður gegndi ritstjórastarfinu, hefur í meginatriðum
verið byggt á þeim trausta stofni, sem hann tók við. Fræðiritgerðir hafa sem
áður verið uppistaða ritsins. Á þessu tímabili hefur verið kappkostað að
hvetja efnilegt ungt fólk til ritstarfa, og reynt hefur verið að bjóða upp á
stuttar greinar um afmörkuð efni auk hinna lengri fræðiritgerða. Nýmæli var
það einnig að birta í hverju hefti ítarlega fræðilega úttekt á hæstaréttardóm-
um, einum eða fleiri. Margt hefði þó mátt betur gera, t.d. varðandi fréttaflutn-
ing og umsagnir um ný lögfræðirit. Ég færi þakkir þeim fjölmörgu, sem ég
hef átt gott samstarf við: stjórn Lögfræðingafélagsins, framkvæmdastjórum
tímaritsins, starfsmönnum í prentsmiðju, höfundum efnis, prófarkalesara og
ritstjórnarfulltrúa mínum síðustu 3 árin, Finni Torfa Hjörleifssyni dómara-
fulltrúa.
Að lokum skal hér bjóða velkomna til starfa nýja ritstjóra, þá Friðgeir
Björnsson yfirborgardómara og Steingrím Gaut Kristjánsson borgardómara.
Jónatan Þórmundsson
209