Tímarit lögfræðinga - 01.12.1989, Page 56

ár. Skipuð hefur verið sérstök nefnd undir forystu Eiríks Tómassonar fyrrv.
formanns félagsins, til þess að taka á máli þessu og gera tillögur í þessum
efnum, sem lagðar verða fyrir félagsfund.
Heiðursfélagi félagsins, dr. Ármann Snævarr, varð sjötugur hinn 18. sept-
ember 1989. Föst venja er ( félaginu að gefa hvorki afmælisgjafir né senda
blóm, enda þótt um stórafmæli sé að ræða. Stjórn félagsins tók þá ákvörð-
un að regla þessi ætti ekki við um heiðursfélaga, enda var Ármann helsti
hvatamaður að stofnun félagsins árið 1958. Var honum því færð gjöf og
varð fyrir valinu hin prentaða útgáfa af Helgastaðabók með skrautritaðri
kveðju frá Lögfræðingafélagi íslands.
Annar heiðursfélagi félagsins var Agnar Kl. Jónsson, höfundur Lögfræðinga-
tals, en hann lést árið 1984. Nú útgáfa er orðin mjög brýn, og hefur komið til
tals innan stjórnar félagsins að félagið taki þátt í eða annist útgáfu, en
ákvarðanir hafa ekki verið teknar. Til greina gæti komið að hefja þegar kynn-
ingu á útskrifuðum lögfræðingum í Tímaritinu, með mynd, sem gæti orðið
vísir að nýjum útgáfum lögfræðingatals, með þeirri nýju prenttækni sem
ryður sér til rúms.
Stjórnarsamstarf hefur verið með ágætum, enda hafa allir lagt sig fram
um að starfa fyrir félagið með þeim dugnaði sem þeim einum er gefið sem
starfa af áhuga fyrir málefni. Lögfræðingafélagið er fræðafélag fyrir lögfræð-
inga, og meðan áhugi er fyrir lögfræði þá er vettvangur fyrir félagið. Þær
Þórunn Guðmundsdóttir, Sigríður Thorlacius og Guðrún Margrét Árnadóttir
gefa ekki kost á sér til endurkjörs í næstu stjórn. Þær hafa unnið frábært
starf og þakka aðrir stjórnarmenn þeim fyrir störf þeirra og góða samvinnu.
Garðar Gíslason
262