Tímarit lögfræðinga - 01.12.1989, Blaðsíða 58

V. FÉLAGSMENN.
í félaginu eru fjórir heiðursfélagar: Dr. Ármann Snævarr fyrrv. hæstaréttar-
dómari; Björn Fr. Björnsson fyrrv. sýslumaður; Páll Hallgrtmsson fyrrv. sýslu-
maður; Torfi Hjartarson fyrrv. tollstjóri. Þeir Björn og Páll eru beðnir sér-
stakrar velvirðingar á því að þeirra var ekki getið sem heiðursfélaga í skýrslu
stjórnar starfsárið 1987—1988.
Einn félagsmaður lést á árinu, Jóhannes Árnason sýslumaður og bæjar-
fógeti.
í 2. gr. laga Dómarafélags íslands er kveðið á um það hverjir séu félags-
menn, en greinin er svohljóðandi:
„Félagar eru allir skipaðir hæstaréttardómarar og héraðsdómarar, svo og
tollstjórinn ( Reykjavlk, lögreglustjórinn í Reykjavík, hæstaréttarritari, ríkis-
saksóknari, vararíkissaksóknari, saksóknarar, tollgæslustjóri, rannsóknarlög-
reglustjóri ríkisins og vararannsóknarlögreglustjóri ríkisins.
Aukafélagar geta orðið allir þeir, sem verið hafa aðalfélagar, en látið af
störfum fyrir aldurs sakir eða heilsubrests.
Fulltrúar félagsmanna, sem eru embættisgengir til dómarastarfa og hafa
dómsmálastörf að aðalstarfi, geta fengið inngöngu í félagið, sæki þeir um
hana.“
Að dómarafulltrúum frátöldum ræður því skipun í embætti félagsaðild.
Hins vegar hefur ætíð verið litið svo á að settir dómarar ættu aðild að félag-
inu á meðan setning stendur og þeir sem sett er fyrir héldu aðild sinni. Þá
eiga þeir aðild að félaginu sem hafa látið af störfum fyrir aldurs sakir eða
heilsubrests. í lögunum er talað um aukaaðild án skilgreiningar. Litið hefur
verið svo á að þessi hópur eigi réttindi og beri skyldur á við aðra félagsmenn.
Félagatal liggur frammi á þiginu og samkvæmt því eru félagsmenn nú 115.
VI. VIÐFANGSEFNI STJÓRNAR.
Viðfangsefni stjórnarinnar hafa verið af ýmsu tagi. Mikill tlmi hefur farið
til þess að semja umsagnir um lagafrumvörp. Þá hefur stjórnin unnið að
málum sem til hennar var beint með einhverjum hætti á síðasta dómaraþingi.
Félagsfundir hafa verið haldnir og erlend samskipti nokkuð rækt.
A. ALMENNT STARF.
Aðalumræðuefni síðasta dómaraþings voru sjálfstæði og staða dómara í
nútíð og framtíð og lögkjör þeirra. Miklar umræður urðu um þessi mál og
fram komu ýmis tilmæli og ábendingar til stjórnarinnar. Stjórnin hefur reynt
eftir bestu getu að vinna að framgangi þeirra mála sem til hennar var beint
á aðalfundinum og er gerð grein fyrir því starfi í fylgiskjali með skýrslu
þessari.
B. ALMENNIR FÉLAGSFUNDIR.
Almennir félagsfundir hafa verið 3 á árinu, allir haldnir I Þingholti Reykjavík.
Hinn 5. janúar flutti Steingrímur Gautur Kristjánsson borgardómari erindi
um dómstörf í Frakklandi, en Steingrímur var í dómaraskóla I París allt síð-
asta ár.
Hinn 3. maí var haldinn fundur um tölvuvæðingu dómstólanna og voru
frummælendur Þorleifur Pálsson skrifstofustjóri í dómsmálaráðuneytinu, Jó-
264