Tímarit lögfræðinga - 01.12.1989, Blaðsíða 55

8. Hinn 28. september 1989 var haldinn félagsfundur ásamt Lagadeild há-
skólans, þar sem Jens Evensen dómari í Alþjóðadómstólnum l Haag
flutti fyrirlestur um efnið „The protection of the Environment in the
Modern Law of Nations“. Fundargestir voru 62.
Fundarstaður var Lögberg, nema erindi umboðsmanns Alþingis var flutt á
Hótel Sögu, í fundarsal. Kvöldverðarfundur á aðventu var á Hótel Sögu og
hádegisverðarfundur var í Viðey, þar sem Sigurður Líndal prófessor gaf
yfirlit yfir sögu staðarins og sr. Þórir Stephensen sagði frá kirkjunni og staðn-
um. Bókaðir fundarmenn á fundunum voru alls 435, þ.e. rúmlega 62 að
meðaltali á hverjum fundi.
Hið árlega málþing félagsins var haldið á hefðbundnum degi, sem er síð-
asti laugardagur í september, að þessu sinni 20. september 1989. Það var
haldið á Hótel Selfossi og var flutningaréttur tekinn fyrir að þessu sinni.
Framsögumenn voru Magnús Þ. Torfason fyrrv. hæstaréttardómari, Ragnar
Aðalsteinsson hrl., Arnljótur Björnsson prófessor, Gunnar Helgason hrl. og
Magnús K. Hannesson lektor. Að venju hófst þingið kl. 10.00 og stóð til kl.
17.00 með hádegisverðar- og kaffihléum. í lokin var borinn fram síðdegis-
drykkur. Þátttakendur voru 67 talsins, sem er nokkru minna en yfirleitt hefur
verið á málþingum. Varaformaður félagsins, Þórunn Guðmundsdóttir hrl.
hafði forystu fyrir undirbúningsnefnd og stjórnaði þinginu, og var það allt
til fyrirmyndar.
Stjórn félagsins þakkar öllum þeim sem tóku að sér að flytja erindi og
upplýsa félagsmenn fyrir stuðning þeirra.
Stjórnarfundir voru alls 12. Auk þeirra var að venju unnið mikið starf á
milli funda. Gjaldkeri félagsins, Sigríður Thorlacius, annaðist fjármál og bók-
hald af mikilli prýði, Guðrún Margrét Árnadóttir framkvæmdastjóri tímarits-
ins vann mikið og erlissamt starf í þágu þess, og ritarinn Ingvar J. Rögn-
valdsson annaðist allar bókanir og skjalavörslu.
Framkvæmdastjórinn, Sigríður Logadóttir lögfræðingur, vann mikið og gott
starf, en lét af störfum sínum 1. október 1989. Við starfi hennar tók Hilmar
Vilhjálmsson viðskiptafræðinemi, og væntir stjórnin mikils af honum í við-
leitni sinni við að efla fjárhag félagsins og tímaritsins.
Framkvæmdastjóri hefur aðsetur í skrifstofu félagsins, sem er í húsnæði
Lögmannafélags íslands að Álftamýri 9 hér í borg. Fastur viðtalstími fram-
kvæmdastjóra er á þriðjudögum kl. 11—13. Simi skrifstofunnar er 68 08 87.
Utan viðtalstíma tekur símsvari við skilaboðum og vinsamlegum ábendingum.
Stjórn Lögmannafélagsins lætur skrifstofuaðstöðu þessa, ásamt geymslu fyr-
ir eldri áranga af Tímariti lögfræðinga, í té endurgjaldslaust og er það mikils
metinn stuðningur við félagið.
Fastur liður í störfum stjórnar er endurskoðun félagaskrár. Félagsmenn
hafa verið taldir 839, en vegna vanskila á greiðslu félagsgjalda hafa í ár
verið sendir 670 gíróseðlar til þeirra félagsmanna, sem taldir eru líklegir
til þess að greiða félagsgjaldið, og teljast því virkir félagsmenn. Það er
áhyggjuefni ef félagsmenn greiða ekki félagsgjöld sín í tíma, til þess að
leggja fram sinn skerf til þess að halda uppi félaginu.
Stór hluti af félagsgjaldi rennur beint til Bandalags Háskólamanna, þar sem
Lögfræðingafélagið er aðili að því bandalagi. Framtíð BHM er enn í óvissu,
og aðild félagsins hefur verið mjög tii umræðu á árinu, eins og undanfarin
261