Tímarit lögfræðinga - 01.12.1991, Qupperneq 25

3. HVAÐ SKAL TILKYNNA?
Ekki virðast gerðar strangar kröfur um efni tilkynningarinnar. Þær lágmarks-
kröfur sem gera verður til efnis tilkynningar eru annars vegar að þar komi fram
að fyrir sé að fara samþykkisskorti eða greiðslufalli, eftir atvikum, og svo hins
vegar tilgreining á þeim víxli sem þetta á við. Sú spurning vaknar þá hversu
ítarlega þurfi að tilgreina víxilinn. Hlýtur að verða að gera þá kröfu að
tilgreiningin sé það skýr að ljóst megi vera um hvaða víxil sé að ræöa þannig að
ekki sé hætta á ruglingi. Er því væntanlega þörf á að greina nafn greiðanda,
viðtakanda greiðslu, útgefanda, útgáfudag, útgáfustað, víxilfjárhæð, gjalddaga
og greiðslustað víxils. Hafi víxillinn verið afsagður þyrfti að greina afsagnardag.7
í 1. mgr. 45. gr. er mælt fyrir um efni þeirra tilkynninga sem framseljendur
skulu senda, en þeim ber, annars vegar að skýra frá efni tilkynningar þeirrar, er
þeir hafa fengið, og hins vegar að greina nöfn og heimili þeirra sem áður hafa
sent tilkynningar.
4. Á HVERJUM HVÍLIR TILKYNNINGASKYLDAN?
Tilkynningaskyldan hvílir fyrst og fremst á víxilhafa. Sá sem telst víxilhafi í
skilningi 16. gr. vxl. við samþykkisskort eða greiðslufall víxilsins, er hinn
tilkynningaskyldi. Hafi víxillinn verið framseldur til umboðs skv. 18. gr., hvílir
tilkynningaskyldan á umboðsmanni.8
Víxilhafa ber að senda bæði síðasta framseljanda og útgefanda víxilsins
tilkynningu. Síðan er hver framseljandi skyldur til að tilkynna þeim framselj-
anda sem næstur er fyrir framan hann. Skal þannig haldið áfram koll af kolli þar
til kemur að útgefanda, sem þannig á að fá tvær tilkynningar, aðra beint frá
víxilhafa og hina frá fyrsta framseljanda.
Þegar tilkynning er send víxilskuldara skal einnig senda þeim manni, sem
gengið hefur í ábyrgð fyrir hann samsvarandi tilkynningu, sbr. 2. mgr. 45. gr.
vxl.
Hafi framseljandi ekki fengið tilkynningu, en borist vitneskja um greiðslufall
eða samþykkisskort eftir öðrum leiðum, hvílir tilkynningaskylda væntanlega
ekki á honum.9 Aðeins þeim framseljanda sem borist hefur tilkynning skv. 45.
gr. vxl., ber að senda tilkynningu.10 Rétt er að hafa í huga að hafi framseljanda
7 Stranz: Wechselgesetz, 258.
8 Stranz: Wechselgesetz, 257.
9 Sbr. orðalagið „Hver framseljandi skal ... eftir að hann fékk slíka tilkynningu...“
10 Aubert: Den Nordiske Vexelret, 243.
247