Tímarit lögfræðinga - 01.06.2004, Qupperneq 99

kynningarfundur sem haldinn var með starfsmönnum hafi verið nægjanleg fræðsla
til þess að þeir gætu gert upp hug sinn til vinnslunnar. Þá segir að telja verði að þeir
starfsmenn sem málið varði hafi í verki sýnt ótvírætt samþykki (leturbr. höf.) sitt í
skilningi 1. tl. 1. mgr. 8. gr. laga nr. 77/2000. Var umrædd rafræn vöktun því talin
heimil.
Hér er vert að minnast á þær hugleiðingar sem fram eru komnar um gildi
samþykkis í vinnuréttarsambandi.
A grundvelli 7. tl. 8. gr. pvl. getur atvinnurekandi metið hvort sítenging
starfsmanna sé nauðsynleg til þess að gætt verði lögmætra hagsmuna hans.
Tilgangur með sítengingu starfsmanna við tölvusírita getur t.d. verið í tengslum
við bónuskerfi fyrirtækja eins og á t.d. við í mörgum frystihúsum og stór-
mörkuðum. Þá eru laun starfsmanna greidd í samræmi við þær niðurstöður sem
fram koma frá tölvusíritanum. Ljóst er að vinna þarf upplýsingar í lok hvers
tímabils til þess að hægt sé að reikna út þau laun sem starfsmaður á rétt á.
Frammistöðumat, eða annars konar úrvinnsla á afköstum starfsmanna, er oft
unnin upp úr þeim upplýsingum sem fást með sítengingu starfsmanna við
tölvurita. Öll úrvinnsla persónuupplýsinga verður, á sama hátt og vöktunin
sjálf, að lúta reglum persónuvemdarlaganna, þannig að skilyrðum 7. og 8. gr.
laganna (og hugsanlega 9. gr., sé um viðkvæmar upplýsingar að ræða) sé full-
nægt. Þannig er frekari vinnsla persónuupplýsinga óheimil sé tilgangur vinnsl-
unnar annar eða ósamrýmanlegur þeim tilgangi sem upplýsinganna var aflað
vegna, sbr. 2. mgr. 7. gr. laganna. Atvinnurekandi getur ekki notað upplýsingar
sem fengnar eru í áðurnefndum tilgangi í öðrum tilgangi svo sem til þess að
stuðla að auknum afköstum starfsmanna. A sumum vinnustöðum er uppgefinn
tilgangur með sítengingu starfsmanna við tölvurita þó beinlínis sá að auka
afköst starfsmanna og eru upplýsingar um afköst hengd upp í augsýn allra,
jafnvel oftar en einu sinni á dag.27
Ákvæði laga um persónuvemd og meðferð persónuupplýsinga um fræðslu-
skyldu við starfsmenn gilda að sjálfsögðu einnig hér. Þá má að lokum minnast
á reglugerð um skjávinnu, nr. 498/1994, sem sett er á grundvelli laga nr.
46/1980 unt aðbúnað, hollustuhætti og öryggi á vinnustöðum. Segir í viðauka
undir lið 3, b) að hugbúnaður skuli vera auðveldur í notkun og skuli unnt að
laga hann að þekkingu eða reynslu notandans, eftir því sem við eigi, og ekki
megi beita tölvukerfi til afkasta- eða gæðaeftirlits án vitundar starfsmanna.
7. FYLGST MEÐ FERÐUM STARFSMANNS
Hafi starfsmaður t.d. aðgangskort með segulrönd til þess að komast á milli
staða getur atvinnurekandi fylgst nákvæmlega með ferðum starfsmanns um
27 Guðbjörg Linda Rafnsdóttir: Hér liggur fiskur undir steini. Um vinnuumhverfi og líðan
starfsfólks í fiskvinnslu. Sjávarútvegsstofnun Háskóla íslands. Reykjavík 2000.
283