Árbók Háskóla Íslands - 01.01.1929, Síða 9

7
ókunnugleik á því, seni þau hafa ályktað, en sumpart líka
af þvi, að hið nýskipaða háskólaráð leit öðruvísi á málin;
og svo hefir naumast verið unnt að koma nokkrum þeim
nýmælum i framkvæmd, er yrðu háskólanum til verulegra
eða varanlegra bóta, ef ekki var unnt að framkvæma þau á
sama ári, þvi að einatt hefir hið nýja háskólaráð hvarflað
frá því aftur eða látið það alveg niður falla, sem fyrri há-
skólaráð höfðu áætlað eða þegar byrjað á. Þetta hefir einatt
valdið verulegri ósamkvæmni i stjórn háskólans og gert það
að verkum, að ekki hefir verið ráðizt í neitt háskólanum
til hagsbóta, er tekið gæti fleiri eða færri ár að koma á
laggirnar.
Til þess nú að bæta úr þeim annmarka, að eftirfarandi
háskólaráð viti ekki um allar gerðir og ályktanir fyrri há-
skólaráða, hefir verið ákveðið að semja fullkomna nafna-
og efnisskrá yfir allar gerðir háskólaráðs frá upphafi. Verður
það tvöföld spjaldskrá, sem jafnan má grípa til um hvaða
mann eða málefni sem er að ræða, og geta þá ekki hin
siðari háskólaráð afsakað sig með þvi, að þau hafi ekki vit-
að, hvað hin fyrri hafa gert og áiyktað.
En til þess að meiri festa komist í stjórn háskólans eru
tvær leiðir hugsanlegar, önnur er lagaleiðin, en hitt leið
hinna frjálsu samtaka. Breyta mætti lögum háskólans á þá
leið, að háskólaráð sé kosið til lengri tíma en eins árs og
rektor jafnvel til fleiri ára, eins og nú á sér stað víða á
Norðurlöndum og í öllum enskumælandi löndum. En þar
sem háskólalögin heimila endurkosningu, mætti líka gera
þetta með frjálsum samtökum innan háskólans. En hætt er
við, að slik samtök nái engum framgangi eða festu, þótt þau
lækjust í eitt eða tvö skifti.
Hugsa má sér lika þriðju leiðina, að ráðsmaður (admini-
stratorj verði skipaður við hlið rektors og annist hann frá
ári til árs allan hag og rekstur háskólans, þótt skift sé bæði
um rektor og háskólaráð á ári hverju. En hvernig sem menn
nú vilja ráða fram úr þessu, þá er það vist, að háskólanum
stendur það nú fyrir þrifum og varanlegum umbótum, að