Árbók Háskóla Íslands - 01.01.1929, Page 20

18
staka stúdent krafsar sig einhvernveginn fram úr þessu með
kennslu og annari aukavinnu, sem þó auðvitað dregur frá
náminu eða lengir námstimann, en langflestir safna skuldum.
Ef stúdent þarf, eins og venja er til nú, að stunda nám í
4—5 ár, og geti hann ekki fengið neina aukavinnu, verður
útkoman í bezta lagi sú, að hann safnar 2400—3000 kr. skuld
yíir allan námstímann og flestir þó, einkum þeir, sem utan
fara að loknu námi, miklu meiri skuldum, þannig að það
er víst nokkuð titt, að kandidat skuldi þetta frá 6000—10000
kr., þegar hann hefir lokið námi að fullu og öllu. Fái hann
svo ekkert að gera fyrstu árin, eins og nú mun farið að
tíðkast, er sýnt, hvert stefnir.
Þetta hafa stúdentar sjálfir manna bezt séð og fundið.
Því var það, að einn úr þeirra hóp, sem auk þessa hefir
látið margt annað gott af sér leiða, einkum í stúdentagarðs-
málinu, núverandi skólastjóri Lúðv. Guðmundsson, gaf af
fátækt sinni 50 kr. árið 1922 til þess að stofna »Lánssjóð
stúdenta« og voru sjóðnum þá þegar sett lög. Sjóðurinn tók
þó ekki til starfa fyrri en á siðastliðnu ári, að háskólaráðið
veitti honum 10.000 kr. Ián, vaxtalaust í 10 ár. Fé þetta lán -
ar sjóðurinn fátækum stúdentum, einkum þeim, sem eru að
ljúka námi, gegn tryggingu, en með lágum vöxtum, 3%.
Þriggja manna nefnd stjórnar sjóðnum og er núverandi for-
maður hennar próf. ólafur Lárusson, en meðstjórnendur
Björn Árnason endurskoðandi og form. stúdentaráðsins, stúd.
med. Karl Jónasson. Almennur stúdentafundur, sem haldinn
var á síðastliðnum vetri, samþykkti, að allir skrásettir háskóla-
stúdentar skyldu greiða 2 kr. árstillag til sjóðsins og er von-
andi, að bæði háskólakennarar og eldri og yngri stúdentar
muni eftir þessari sjálfsbjörg stúdenta, sem þegar hefir komið
mörgum góðum manni að haldi.
1 háskólanum voru árið sem leið, þegar flest var, 151
skrásettir stúdentar.
Af þeim luku fullnaðarprófi á árinu 1928: