Árbók Háskóla Íslands - 01.01.1929, Qupperneq 21

19
í guðfræðideild.......... 13
- læknadeild ............. 4
- lagadeild............... 3
- heimspekideild........ 2
eða alls ... 22 kandidatar
Nú hafa innritazt 15 stúdentar á móts við 38 í fyrra og
sýnir það, að yngstu stúdentarnir hafa tekið þó nokkurt til-
lit til þess, sem sagt hefir verið og ritað um hið geigvænlega
aðstreymi að embættadeildum háskólans. Tala þeirra, sem
nú hafa látið innritast, samsvarar sem næst þeirri tölu, sem
reiknað var út, að landið þarfnaðist árlega til þess, að há-
skólinn gæti fullnægt kröfum þjóðfélagsins; en ekki er ólík-
legt, að allmargir séu enn óskráðir og hallast þá enn á þá
sveifina, sem siður skyldi.
Ég óska yður, ungu stúdentar, sem nú gerizt háskólaborg-
arar, hjartanlega velkomna í hópinn og bið yður að örvænta
ekki um afkomu yðar síðar meir. Verið þess fullvissir, að
því betur og kappsamlegar sem þér stundið námið, því ör-
uggari og farsælli verður framtíð yðar. Duglegum, vel gefn-
um og vel innrættum mönnum er hvergi ofaukið, og ef þér
frá upphafi hafið það i huga, getið þér öruggir lagt út í tví-
sýnu þá, sem nú kann að vera á um framtíð yðar.
Með þessum ummælum óska ég yður hjartanlega velkomna.
III. Gerðir háskólaráðs.
Skrá yfir gerðir háskólaráðs. Samþykkt var á fyrsta
fundi hins nýja háskólaráðs, þ. 28. septbr. 1928, að fela rektor
að láta gera skrá yfir allar gerðir háskólaráðs frá upphafi,
nafnaskrá og efnisskrá, gegn hæfilegri þóknun, og fól rektor
þegar ritara háskólaráðs, próf. theol. Magnúsi Jónssyni, að
framkvæma verkið.