Árbók Háskóla Íslands - 31.12.1999, Page 150

Reiknistofnun
Háskóla íslands
Reiknistofnun Háskóla íslands (RHÍ) fagnaði 35 ára afmæli í desember. en hún
varstofnuð í desember 1964 til þess að sjá um rekstur IBM 1620 tölvu
Háskólans sem var með 40.000 (40 KB) stafa minni og ritvél sem inntaks-
/úttakstæki og gefin H.í. af Framkvæmdabankanum af mikilli rausn eftir að
IBM hafði gefið 607. afslátt sem veittur var vísindastofnunum. Rekstur
stofnunarinnar gekk mjög vel á árinu 1999. halla sem hafði verið til nokkra ára
var snúið í hagnað . en verulegur halli. 2.5 milljónir, varð á rekstri símkerfis
Háskólans sem var færður til Reiknistofnunar á árinu og við það verður ekki
unað. Mikil eftirspurn var eftir þjónustu stofnunarinnar. Oft hafðist ekki undan
þannig að biðtími varð á tímabili of langur og því var starfsfólki í
notendaþjónustu fjölgað.
Starfsmannamál
Nokkur hreyfing var á starfmönnum RHÍ á árinu. Kristján Þór Kristjánsson kerfis-
fræðingur hætti í október og undir áramót hætti Sigfús Jóhannesson tæknifræð-
ingur störfum. Eru þeim þakkað góð störf við hugbúnaðarþróun og umsjón. I not-
endaþjónustu voru tveir nýir starfsmenn ráðnir. Albert Jakobsson og Finnur Þor-
geirsson kerfisfræðingar. Reiknistofnun hefur verið einstaklega lánsöm með
starfsmenn og byggir á sterkum kjarna sem hafa þjónað Háskólanum dyggilega í
gegnum árin.
Stúdentagarðarnir tengdir
Um áramótin var lokið við að tengja 454 íbúðir á stúdentagörðum Félagsstofnunar
við Háskólanetið. Einn tengill er í hverri íbúð og herbergi. Netkerfið er sítengt all-
an sólahringinn og er getur flutt 10 megabita á sekúndu (Mbit/s) í báðar áttir. Til
samanburðar er ISDN-innhringisamband 0.064 Mbit/s. Með þessu fá stúdentar
aðgang að Háskólanetinu með sömu bandbreidd og starfsmenn H.í. hafa á skrif-
stofum sínum eða tölvuverum. Ekki er fyrirsjáanlegt að slík tenging verði í boði á
almennum markaði til heimila í nánustu framtíð.
Tenging stúdentagarðana hefur verið fyrirhuguð frá því húsin voru byggð. Röra-
lagnir fyrir Ijósleiðara milli húsa voru að mestu lagðar við byggingu þeirra. Verkið
var unnið í samvinnu Reiknistofnunar og Félagsstofnunar stúdenta (FS). RHÍ sá
um lagningu Ijósleiðara að Eggertsgötu 14 sem tengist Ijósleiðarakerfi H.í. Jafn-
framt lagði RHÍ til leiðarbeini og aðstoðaði við hönnun kerfisins sem og uppsetn-
ingu á búnaði. FS sá um allar Ijósleiðaralagnir milli húsa á stúdentagörðunum
ásamt uppsetningu á tengiskápum.
Ódýr þjónusta
FS sér um að innheimta netþjónustugjald. 1.460 kr. á mánuði. Af því renna 623
krónur til RHÍ í bandvíddargjatd. sem fer upp í greiðslu á Internetumferð. Stúd-
entagarðar flestra háskóla í nágrannalöndunum eru tengdir háskólanetunum
með svipuðum hætti og var leitað að fyrirmyndum bæði austan- og vestanhafs.
Vonir standa til að þessi aukna þjónusta mælist vet fyrir hjá íbúum stúdentagarð-
ana. auk þess sem þjónustan ætti að stuðla að minna átagi á tölvuver RHÍ á há-
skólasvæðinu. En á móti mun átag á Internetsambandið jafnvet margfaldast og
kostnaður vegna þess aukast að sama skapi nema hagstæðari samningar náist
við Internetþjónustuaðila H.í.
Hraðara Internetsamband
Háskóli ístands varð fyrsturtil að opna 10 Mbita/s samband við Internetið í gegn-
um INTIS. Áður var Háskólinn með 2 Mbita/s samband. Nýja sambandið ætti að
gefa háskólasamfélaginu verulega aukið svigrúm fyrir samskipti. kennslu og
rannsóknir á Netinu. en það mun þó ekki duga lengi.
Linux í tölvuverum RHÍ
Bryddað hefur verið upp á þeirri nýjung að bjóða upp á Linuxstýrikerfið í tötvuver-
um Reiknistofnunar. Fyrst um sinn er boðið upp á það í tölvuverum í VR II og
Tæknigarði. Þeir notendur sem vilja fá Linux-stýrikerfið uppsett á tölvurnar sínar
geta sótt slíka þjónustu til notendaþjónustu RHÍ.
Einnig ber að geta þess að notendur geta fengið StarOffice uppsett á tölvurnar
(bæði fyrir Windows og Linux). Þessi hugbúnaður er mjög líkur Microsoft Office
146