Búnaðarrit - 01.06.1917, Blaðsíða 76
234
BÚNAÐARKIT
Vélabátar, sem héldu til í Sandgerði, öfluðu ágætlega
■á vetrarvertíð og allvel um vorið og sumarið. Haust-
vertíðin rýr; orsakaðist það nokkuð af gæftaleysi.
Undir Jökli var fiskafli með afbrigðum góður á vetrar-
vertíð; á góunni voru gæftir hinar beztu, sem menn muna.
Á Vestfjörðum aflaðist vel á róðrarbáta á veiðistöð-
um við Tálknafjörð og Arnarfjörð. í útveíðistöðunum
við ísafjarðardjúp var ágætur afli á vetrarvertíð. Vorvertið
í meðallagi eða vart það; bagaði beituleysi. Haustafli
mjög rýr.
Á Austfjörðum var fremur rýr afli þetta ár, nema
undan Hornafirði og Lóni; þar var góður afli um vorið.
Lax og silungs veiði með minna móti.
yerzlun.
Dýrtíð mikil. Flestar nauðsynjavörur, útlendar og inn-
lendar, í afarháu verði. Góðæri mesta fyrir þá bændur,
sem höfðu mikla framleiðslu og létt heimili. Ull var sú
vara, sem íéll i verði; verð á hvítri vorull var nú um
kr. 2,60 og upp undir kr. 3,00 kg.; kjöt kr. 0,90—1,10
kg.; smjör kr. 1,80—2,50; tólg kr. 1,10 kg. — Dilkar
lögðu sig hinir beztu á 30 kr. — Skinnavara í afskap-
lega háu verði; leðurskæði allt að 6 kr. — Saltfiskur
um 25 kr. vættin; harðfiskur allt að 60 kr.
Kýr seldust á 200—300 kr.; ær að vorlagi á 25 kr.
minst, og sagt er að þær hafi á stöku stað komist upp
í rúmar 50 kr. á uppboðum. — Áburðarhestar kostuðu
nálægt 200 kr. — Kartöflutunnan var seld á 14—18 kr.;
gulrófnatunna á 8—10 kr. hér syðra, og upp undir 18 kr.
sumsstaðar annarsstaðar á landinu.
Kaupgjald verkafólks var afarhátt og tregða á að fá það ;
olli því síldveiðin. Kaupamönnum voru borgaðar um slátt-
inn 25—30 kr. um vikuna og sumum upp undir 40 kr.
Kaupakonur fengu 12—20 kr.
Að jarðabótavinnu var unnið með minna móti þetta
ár, bæði vegna þess hve hátt kaupgjaldið var og líka