Búnaðarrit - 01.06.1917, Blaðsíða 72
BÚNAÐARRIT
230
legasta, ab undanskildu því, að 18. sept. kom aftaka-
útnorðanveður, enda mistu þá margir hey og sumir hlöð-
ur og fjárhús. Sama dag fauk allmikið af heyi undir Eyja-
fjöllum.
Haustið og veturinn til nýjárs. í Reykjavík og grend
voru rigningar um haustið minni en venja er til. Var
hægt að vinna að jarðabótum fram í byrjun nóvemberm.
6. nóvember var skautaís á Tjörninni í Reykjavík. Héld-
ust frostin í 10 daga. En svo var aftur hægt að vinna
að jarðabótum 16.—25. nóv. Fór þá að frjósa fyrir alvöru.
I Borgarflrði var mesta eftirlætistíð allt haustið. Frá
byrjun jólaföstu til nýjárs stillur, en stundum allmikið
frost.
Á Snæfellsnesi voru lömb tekin í hús í desember-
byrjun, og hrossum var farið að hjúkra viku fyrir jól,
en sumstaðar gengu þau þó til ársloka.
í Dölum var haustið gott og hrakviðralaust.
Á Vestfjörðum gott haust fram til jölaföstu, en úr því
frosthart, en fannkoma lítil.
Á Norðurlandi héldust blíðviðri fram í byrjun nóvember-
mánaðar. í desembermánuði sífeld hríðarveður, en væg
frost; kingdi þá niður miklum snjó.
í Breiðdal kom íyrsti snjórinn 4. nóvember. Seinni
hluta desemberm. setti niður mikinn snjó af norðri, svo
að jarðlaust varð yflr allt Austurland til ársloka.
f Árness og Rangárvalla sýslum var haustið óvenju-
þurkasamt, og hin bezta tíð fram um lok nóvember-
mánaðar, þá hlóð niður snjó og gekk þá til norðanáttar
með allmiklu frosti. Tók þá fyrir haga í flestum sveit-
um Suðurlands, og stóð svo til ársloka.
Heyföng.
Að vöxtunum munu heyföng hafa orðið í meðallagi
á landinu, en sunnanlands og vestan hröktust heyin,
einkum töðurnar, afskaplega. Grasspretta varð alstaðar