Uppeldi og menntun - 01.01.2009, Page 82

Uppeldi og menntUn/icelandic JoUrnal of edUcation 18(1)/200982
„Þetta er spennandi... og gefUr mikla mögUleika“
Upplýsinga- og tæknimennt eru ætlaðir tveir tímar í stundaskrá í viku hverri og er
það í höndum hvers skóla að skipta þeim tíma á námsgreinarnar upplýsinga mennt
og tæknimennt. Upplýsingamennt er þverfagleg námsgrein að því leyti að lögð er
áhersla á að kenna og leiðbeina nemendum um sérstaka aðferð og tækni við öflun,
úrvinnslu og miðlun upplýsinga í tengslum við annað nám nemenda. Í því felst að
markmið myndlistar og upplýsingamenntar ber að samþætta. Inntak kennslunnar er
sótt í myndlistarkennsluna og myndlistarkennarinn ber ábyrgð á þeim þætti, en kenn-
ari í upplýsingamennt ber ábyrgð á tæknilegum þætti kennslunnar. Með þessari til-
högun er ýtt undir þann skilning á upplýsingatækni að um sé að ræða sérstaka aðferð
sem hægt sé að nota á ólíkum sviðum við að afla sér þekkingar og færni (Aðal námskrá
grunnskóla. Upplýsinga- og tæknimennt, 1999).
Nýsköpun og hagnýtingu þekkingar er ekki ætlaður sérstakur tími í stundaskrá.
Greinin er þverfagleg og samþættist námsefni einnar eða fleiri námsgreina. Um er að
ræða sérstaka aðferð sem skólar geta nýtt sér til að umbreyta hverri námsgrein í starfs-
og tæknigrein með því að setja hana í nýtt samhengi og tengja hana veruleika nem-
enda, sköpunarþörf og leikgleði (Aðalnámskrá grunnskóla. Upplýsinga- og tækni-
mennt, 1999).
Aðalnámskrá grunnskóla gerir kröfur um að samþætting námsgreina feli í sér
námsþætti úr öllum þeim námsgreinum sem samþættar eru hverju sinni. Í því skyni
þurfa kennarar að kynna sér námskrár þeirra allra því að samþætting námsgreina
verður að vera þeim öllum í hag.
Auðvelt er að sjá tengsl milli efnisþátta í myndlistarkennslu og notkunar tölvu-
og upplýsingatækni. Hér hefur sameiginlegum markmiðum verið raðað upp í eina
töflu.