Uppeldi og menntun - 01.01.2009, Page 89

Uppeldi og menntUn/icelandic JoUrnal of edUcation 18(1)/2009 89
aðalbJörg maría ólafsdóttir
Skólanámskrár skólanna sex
Með setningu markmiða í skólanámskrá getur hver skóli markað sér sínar áherslur
hvað varðar myndlistarkennsluna og framkvæmd hennar. Varla er þó hægt að sjá að
með þeirri markmiðasetningu marki neinn skólanna sex sér verulega sérstöðu varð-
andi áherslur á notkun tölvu- og upplýsingatækni í myndlistarkennslu.
Í skólanámskrár voru skráð markmið fyrir myndlist og tölvukennslu, en náms-
greinin tölvukennsla, sem tilgreind er í skólanámskrám, gæti þá verið eins konar sam-
nefnari fyrir greinarnar þrjár sem tilheyra upplýsingamennt; tölvunotkun í grunn-
skóla, upplýsingamennt og nýsköpun og hagnýtingu þekkingar.
Myndlistarkennslan virðist í mjög fáum tilfellum vera samþætt tölvukennslu skól-
anna samkvæmt skólanámskránum því að markmið tölvukennslunnar fléttast ekki
inn í markmið myndlistarkennslunnar nema í undantekningartilfellum. Þau litlu
tengsl sem er að finna milli myndlistar og tölvukennslu virðast nær eingöngu eiga við
um markmið upplýsinga menntar, en ekki virðist vera hirt um tölvunotkun í grunn-
skóla og nýsköpun og hagnýtingu þekkingar.
Samkvæmt skólanámskrám skólanna sex virðist tölvukennslan á hinn bóginn
sækja ýmislegt til myndlistarinnar því að þar er verkefnavinnan í flestum tilfellum
byggð á myndvinnslu og myndrænni fram setn ingu hvers konar, þó að ekki sé leitað
til myndlistarkennarans eftir hugmynd um eða verkefnum til að vinna. Þar er talað um
notkun myndvinnsluforrita til að teikna myndir, allt frá einfaldri til flókinnar mynd-
vinnslu. Í skólanámskrám er tekið fram að margir kennarar komi að kennslunni í upp-
lýsingamennt, sem kemur heim og saman við áherslur í aðalnámskrá, en samkvæmt
niðurstöðum rannsóknarinnar er ekki um neina samþættingu að ræða milli mynd-
listar og upplýsingatækni í skólunum sex.
Inntak margra markmiða tölvukennslunnar í skólanámskránum er tengt mynd-
list og myndvinnslu þó að framkvæmdin sé alfarið í höndum tölvukennarans. Þessi
kennsla fer fram í tölvutímum. Þessi litlu tengsl virðast ekki vera markviss og skipu-
lögð fyrirfram með samþættingu í huga. Flestum myndlistarkennurunum þykir það
miður , því að þeir vildu gjarnan sjálfir kenna myndrænan þátt tölvukennslunnar, að
minnsta kosti hafa eitthvað um þá kennslu að segja. Þeir segja tölvu kennarann ekki
alltaf hafa forsendur til að kenna myndrænan þátt viðfangs efnisins. Þetta verður að
teljast skiljanlegt viðhorf þegar horft er til fag mennsku í starfi. Það kemur heim og
saman við það álit Gouzouasis (2006) að samþætting myndlistar og upplýsingatækni
útheimti kennara með sterkan hugtaka skilning á bakgrunni og undirstöðuatriðum
myndlistarinnar (Gouzouasis, 2006).
Myndlistarnám nemendanna virðist því, samkvæmt niðurstöðum rannsóknar innar,
í langflestum tilfellum byggjast mest á skapandi þætti myndlistarinnar eins og tíðkast
hefur um árabil. En samkvæmt aðalnámskrá sem nú er í gildi og hugmynda fræði
fagmiðaðrar myndlistarkennslu ætti að byggja námið upp þannig að áherslan sé jafnt
á sköpunarþáttinn og aðra þætti kennslunnar, listasögukennslu, upplýsingaöflun,
list gagnrýni og fagurfræðilegar umræður. Sú hugmyndafræði er byggð á því að nem-
endur fái alhliða þekkingu og þjálfun í notkun tölva í allri vinnu.