Uppeldi og menntun - 01.01.2009, Blaðsíða 92

Uppeldi og menntUn/icelandic JoUrnal of edUcation 18(1)/200992
„Þetta er spennandi... og gefUr mikla mögUleika“
verkefni fyrir nemendur í upphafi tímans og þeir vinna það allir á sama tíma. Það
skipulag bendir til þess að kennarar hneigist til að hafa alla nemendur samferða í
verkefnavinnunni, en það er andstætt þeim hug myndum sem fagmiðuð myndlist-
arkennsla og notkun tölvu- og upplýsingatækni byggist á (Dobbs, 1998). Slíkt skipu-
lag er oftast talið virka þannig að það togi alla nemendur inn á miðjuna, þá slöku upp
en hina niður. Með því móti hafa nemendur minni möguleika á að byggja upp þekk-
ingu á sínum eigin forsendum (Walling, 2001). Þeir fá síður að velja sér viðfangsefni
og vinna á eigin hraða en ef byggt er á fjölbreyttum kennsluháttum. Umræður um
fjölbreytta kennsluhætti í myndlistar kennslu virðast því ekki hafa haft áhrif á starf
kennarana sex svo að nokkru nemi.
Ástæður notkunarinnar
Auk slæms aðgengis að tölvum getur ein af ástæðum lítillar notkunar tækninnar í
kennslustundum einnig legið í viðhorfi kennaranna sjálfra til notkunar tækninnar.
Kennarar telja flestir viðhorf sitt til notkunar tækninnar vera jákvætt, en þegar á reynir
ætla þeir ekki að láta tölvur ýta öðrum verkfærum myndlistarinnar til hliðar, sem er
þó samkvæmt rannsóknum ekki talið líklegt að muni gerast með innleiðingu tækn-
innar (Wang, 2002).
Það er því í nokkru ósamræmi við niðurstöður rannsóknarinnar á notkun tækninn-
ar í kennslu sex myndlistarkennara, að þeir segjast telja að byggja þurfi myndlistar-
kennslu í grunnskólum meira á notkun upplýsinga- og samskipta tækni en hingað
til hefur tíðkast. Þeir telja að varla sé nokkur atvinnugrein sem ekki nýti tölvur og
rafræna skráningu hvers konar upplýsinga, það eigi líka við um atvinnu greinar listar-
innar. Þeir telja það vera hlutverk grunnskólans að kenna nemendum þau vinnubrögð
sem eru best og mest notuð í þjóðfélaginu á hverjum tíma, sem vissulega samræmist
niðurstöðum fleiri rannsókna á þessu sviði (Davies o.fl., 2003).
Lokaorð
Með þessari rannsókn leitaðist höfundur við að fá upplýsingar um mikilvæg atriði
varðandi innleiðingu tölvu- og upplýsingatækni í myndlistarkennslu í grunnskóla.
Þegar lagt var upp í þessa ferð voru liðin fimm ár frá útgáfu aðalnámskrár 1999 þar
sem í fyrsta sinn var lögð áhersla á notkun upplýsinga- og samskiptatækni í mynd-
listarkennslu. Ég hafði af eigin reynslu mótað mér þá skoðun, vegna hinnar mynd-
rænu fram setningar upplýsingatækninnar og tengingar hennar við alla grunnþætti
myndlistar, svo sem litafræði, formfræði og myndbyggingu, að hún hlyti að eiga sér-
lega vel við í myndlistarkennslu. Þess vegna hafði ég gert mér nokkrar vonir um að
innleiðing tækninnar væri komin á góðan rekspöl.
Síðan þessi rannsókn var gerð hefur aðalnámskrá fyrir myndmennt og upplýsinga-
mennt verið endurútgefin með sömu áherslum á notkun tölvu- og upplýsingatækni í
öllum námsgreinum og námskrá fyrir listgreinar er þar nánast óbreytt.
Þó að í rannsókninni sé bent á mikilvægi notkunar tölvu- og upplýsinga tækni í
myndlistarkennslu er ekki meiningin að gera lítið úr þeim aðferðum sem tíðkast hafa