Búnaðarrit - 01.01.1998, Side 52

BÚNAÐARRIT 1998
Samkvæmt forðagæsluskýrslum er
hrossastofninn ungur stofn og talið að um
þriðjungur hans séu trippi og ásett folöld.
Fjöldi hrossa hefur verið nokkuð stöðugur
undanfarin ár og var árið 1998 u.þ.b. sá
sami og var árið 1994. Mynd 13 sýnir fjölda
ásettra hrossa árin 1994-1998.
Mynd 13. Fjöldi hrossa 1994-1998.
Heimild: Hagstofa íslands.
Ræktunarstarf
Skýrsluhald, dómar og sýningar kyn-
bótahrossa eru undirstöðuatriði í kynbóta-
starfinu í hrossaræktinni. Forritið íslands-
Fengur kom út í lok árs 1998 og hefur strax
notið mikilla vinsælda. Netútgáfa gagna-
bankans sem fslands-Fengur geymir er
einnig afar vinsæl og mikið framfaraspor í
átt til greiðara upplýsingaflæðis í hrossa-
ræktinni.
Landsmót hestamanna var haldið á
Melgerðismelum fýrstu viku júlímánaðar.
Mót þetta sem heppnaðist vel í flesta staði
var vel sótt af innlendum sem erlendum
gestum. Þátttaka í sýningahaldinu í heild
sinni á landinu var góð þrátt fyrir erfiðleika
og óvissu sem hitapestin alræmda orsakaði.
Það er enda til mikils að vinna að taka þátt
í sýningahaldi á landsmótsári. Alls voru
uppkveðnir 1.473 dómar, þar af voru 1.306
fullnaðardómar (dæmt bæði sköpulag og
kostir), 169 sköpulagsdómar og 6 ung-
foladómar. Fjöldi dæmdra hrossa var í heild
1.264 hross sem skiptist þannig eftir kyn-
ferði: Stóðhestar 276 (tveggja vetra og eldri),
hryssur (fjögurra vetra og eldri) 963 og 25
geldingar.
Sýningar hér á landi voru 20 sem er
svipað og verið hefur undanfarin ár. Hin
illvíga hitapest sem herjaði í landinu framan
af ári riðlaði nokkuð sýningastarfi en þó má
segja að betur hafi farið en á horfðist í fyrstu.
Ef frá er talin hitapestin og afleiðingar
hennar má segja að árið 1998 hafi verið gott
hrossaræktarár.
Framleiðsla og sala
Árið 1998 voru flutt út 1.820 hross, samtals
að verðmæti kr. 184 millj. fob. Árið 1997
50