Fréttablaðið - 27.03.2010, Qupperneq 8

8 27. mars 2010 LAUGARDAGUR
CCP stjórnar heilu hagkerfi
sem nær yfir mörg sólkerfi.
Við erum bankinn þeirra.
Lárus Sigurðsson, útibússtjóri Borgartúni
Það er minna mál að skipta um
banka en þú heldur.
Kynntu þér málið á mp.is eða
hafðu samband í síma 540 3200.
Borgartúni 26 · Ármúla 13a
Varfærni, einfalt þjónustuframboð og
örugg vinnubrögð skipta öllu máli fyrir
fólk og fyrirtæki.
Þannig á banki að vera.
Gjaldeyrisreikningar
Erlend viðskipti
Innheimtuþjónusta
Fyrirtækjaráðgjöf
Netbanki & þjónustuver
Kreditkort
Ávöxtun innlána
Veltureikningur
Fjármögnun
Ábyrgðir
Þetta samkomulag
endurspeglar hags-
munajafnvægi beggja ríkja.
NATALÍA TIMAKOVA
TALSKONA DMITRÍS MEDVEDEV
VEISTU SVARIÐ?
1 Hvað heitir leikstjóri myndar-
innar Kóngavegur?
2 Hvað fengi Besti flokkurinn
marga menn kjörna í borg-
arstjórn samkvæmt könnun
Fréttablaðsins?
3 Í hvaða skóla er Elías Karl
Guðmundsson, sem keppir bæði
í lokaúrslitum Útsvars og Gettu
betur?
SVÖRIN ERU Á SÍÐU 66
BANDARÍKIN, AP Bandaríkin og Rúss-
land hyggjast fækka langdrægum
kjarnavopnum sínum um þriðjung.
Samkomulag þess efnis milli ríkj-
anna verður undirritað í Prag, höf-
uðborg Tékklands, 8. apríl.
Samkomulagið kemur í staðinn
fyrir eldri samning sem rann út
í desember síðastliðnum. Lang-
drægum kjarnorkuvopnum verð-
ur fækkað úr 2.200 niður í 1.500
vopn hvort ríki.
„Þetta samkomulag endurspegl-
ar hagsmunajafnvægi beggja
ríkja,“ sagði Natalía Timakova,
talskona Dmitrís Medvedev Rúss-
landsforseta.
Barack Obama Bandaríkjafor-
seti var öllu háfleygari: „Í dag
höfum við tekið nýtt skref í áttina
til þess að kveðja arfleifð 20. ald-
arinnar um leið og við tryggjum
börnum okkar öruggari framtíð.“
Fyrir Obama er þetta sam-
komulag mikill áfangi, og telst
vera helsti sigur hans á erlendum
vettvangi til þessa. Aðeins fáeinir
dagar eru síðan hann náði stærsta
sigri sínum innanlands til þessa
með því að fá Bandaríkjaþing til
þess að samþykkja nýja heilbrigð-
islöggjöf, sem tryggir langflestum
Bandaríkjamönnum heilsutrygg-
ingar. - gb
Bandaríkjamenn og Rússar komast að samkomulagi:
Kjarnavopnum
fækkað um þriðjung
TILKYNNT UM SAMKOMULAGIÐ Hillary Clinton utanríkisráðherra og Barack Obama,
forseti Bandaríkjanna. FRÉTTABLAÐIÐ/AP
NEYTENDUR Talsverður verðmun-
ur var milli verslana á hæsta og
lægsta verði á páskaeggjum í könn-
un verðlagseftirlits ASÍ í matvöru-
verslunum á höfuðborgarsvæðinu á
föstudag í síðustu viku.
Oftast var tuttugu til þrjátíu pró-
senta verðmunur á hæsta og lægsta
verði á páskaeggjum frá Nóa Sír-
íusi og fjórtán til sautján prósenta
munur á verði páskaeggja frá
Freyju.
Páskaegg númer fjögur frá Nóa
Síríusi var ódýrast í Bónus, eða
á 1.059 krónur. Sama egg kostaði
1.399 krónur í Nóatúni. Verðmun-
urinn er 32 prósent.
Bónus og Krónan voru oftast
með lægsta verðið í könnuninni
eða í fimm tilvikum af ellefu í
hvorri verslun.
Auk þess var verðið einungis
einni krónu hærra í Krónunni en
í Bónus á öllum þeim fjórum teg-
undum páskaeggja sem fáanlegar
voru í báðum verslunum.
Samkaup-Úrval var oftast með
hæsta verðið í könnuninni eða á
sex af þeim ellefu eggjum sem
skoðuð voru, samkvæmt verðkönn-
un ASÍ.
- jab
PÁSKAEGG Oftast var á milli tuttugu til
þrjátíu prósenta verðmunur á hæsta og
lægsta verði páskaeggja í verðkönnun
ASÍ. FRÉTTABLAÐIÐ/GVA
Allt að þrjátíu prósenta verðmunur á dýrustu og ódýrustu páskaeggjunum:
Ódýrust í Krónunni og Bónus
ATVINNUMÁL Fimmtíu unglingar
sem sækja nám í Fjölbrautaskóla
Norðurlands vestra vantar sumar-
vinnu í sveitarfélaginu Skagafirði
í sumar. Feykir.is segir frá könn-
uninni sem Hús frítímans, mið-
stöð tómstundastarfs á svæðinu
gerði meðal ungmenna á aldrinum
16-18 ára.
Félags- og tómstundanefnd
sveitarfélagsins hefur óskað eftir
svari frá félagsmálaráðuneyti
og Lýðheilsustöð við umsókn um
styrk til að leysa vanda þessa
hóps unglinga. - shá
Sveitarfélagið Skagafjörður:
Ungt fólk óttast
atvinnuleysi