Fréttablaðið - 22.04.2010, Blaðsíða 18

18 22. apríl 2010 FIMMTUDAGUR
SOFIÐ Á FLUGVELLI Þessi farþegi
breiddi handklæði yfir andlit og skrokk
meðan hann beið eftir flugi á flugvell-
inum í Frankfurt í vikunni.
NORDICPHOTOS/AFP
REYKJAVÍK Hrafni Gunnlaugssyni,
leikstjóra á Laugarnestanga, er
óheimilt að breyta jarðvegi utan
lóðarmarka sinna. Þá mega borg-
aryfirvöld fjarlægja framkvæmd-
ir Hrafns þar. Svo segir í samningi
Hrafns við Reykjavíkurborg frá
árinu 2003.
Borgin kveður Hrafn ekki hafa
farið eftir þessum samningi og
hefur sent Hrafni nokkur bréf
til áskorunar og viðvörunar. Nú
hreinsar borgin svæðið.
Einnig hefur Fornleifavernd rík-
isins sent honum bréf sem heitir
„Brot á þjóðminjalögum“ og segir
þar að fornleifar í borgarlandinu
kringum lóð Hrafns séu „þaktar
aðfengnum steinum og járni“.
„Það gilda sömu reglur um
Hrafn og aðra,“ segir Ellý Katrín
Guðmundsdóttir, sviðsstýra fram-
kvæmda- og eignasviðs Reykjavík-
ur: „Þessi hreinsun er hreinsun á
borgarlandi. Ég átti góðan fund
með Hrafni í gær [þriðjudag] þar
sem við fórum yfir málið og það er
skilningur á milli okkar um hvers
vegna við erum að gera þetta,“
segir hún.
Umrætt borgarland er land-
námsjörð og þar eru því friðlýst-
ar fornminjar. Að auki er svæðið
skilgreint sem útivistarsvæði og á
náttúruminjaskrá.
Hrafn hafði breytt landinu nokk-
uð fyrir árið 2003 og samkvæmt
fyrrgreindum samningi fær hann
greiddar tíu milljónir króna að frá-
dregnum kostnaði við að koma lóð-
inni í samt horf. Síðan hefur Hrafn
enn breytt lóðinni og Ellý segir að
skoðað verði hvaða kostnað Hrafn
beri af núverandi tiltekt.
Hrafn sagði við blaðið á mánu-
dag að hann vildi leysa málið með
því að stækka lóðina hjá sér, en
Ellý segir hann hafa horfið frá því.
Hins vegar hafi náðst samkomu-
lag um að skoða hvernig megi fjar-
lægja þrjú listaverk af svæðinu og
finna þeim stað.
Hrafn sjálfur vill sem minnst
tjá sig um málið. Hann sé enn að
skoða hvort hann geti stækkað
lóðina: „Það er búið að fjarlægja
tjarnirnar og ekkert ferskvatn
eftir fyrir gæsirnar. Þessi mikla
gæsabyggð sem var í Laugarnesi
mun líklega hverfa,“ segir hann.
Spurður hvort hann sé ekki í
órétti í þessu máli, segir Hrafn:
„Það fer nú eftir því hvernig þetta
er defínerað. Eigum við ekki öll
borgarlandið? Þetta hefur verið
einskismannsland sem ég hef verið
að reyna að fegra og gera skemmti-
legra fyrir borgarbúa.“
klemens@frettabladid.is
Hrafninn flýgur víst ekki
frá samningum við borgina
Sviðsstýra framkvæmda- og eignasviðs segir að sömu reglur eigi að gilda um Hrafn Gunnlaugsson og aðra.
Fornleifavernd ríkisins segir hann brjóta þjóðminjalög. „Eigum við ekki öll borgarlandið?“ spyr Hrafn.
HRAFN KVEÐUR GÆSIRNAR Í landinu kringum lóð Hrafns var hann búinn að útbúa tjarnir fyrir fugla og setja upp fjölda listaverka.
Hrafn segist enn hafa hug á að fá landið til eignar. FRÉTTABLAÐIÐ/VALLI
RANNSÓKNARSKÝRSLA Ármann
Kr. Ólafsson, leiðtogi sjálfstæðis-
manna í Kópavogi og fyrrverandi
þingmaður, skuldaði bönkunum
248 milljónir í ágúst 2007. Ólíkt
mörgum þeirra sem getið er á lista
nefndarinnar yfir þingmenn sem
fengu yfir 100 milljónir að láni
skrifast lán Ármanns ekki á maka
hans né hefðbundinn atvinnu-
rekstur, heldur var þar lánað fyrir
hlutabréfaviðskiptum.
Í samtali við Fréttablaðið seg-
ist Ármann hafa fengið flest lánin
áður en hann settist á þing 2007
og staðan sé mun betri nú. Skuld-
ir hans séu óverulegar og ekk-
ert verði afskrifað. Hann hafi átt
tryggingar fyrir öllum lánunum og
ekki verði gengið að neinum ver-
aldlegum eignum hans. Allt hafi
verið gert samkvæmt almennum
leikreglum í bankakerfinu. Hann
sjái ekki hvernig það ætti að veikja
stöðu sína. - sh
Fékk lán fyrir hlutabréfabraski:
Ármann segist
munu borga allt
SAMGÖNGUR Vegagerðin hefur til-
kynnt Bláskógabyggð að stofn-
unin muni hætta að halda við og
þjónusta þrjátíu héraðsvegi sem
eru alls 7,21 kílómetr og eru innan
þéttbýlismarka Bláskógabyggðar.
Að því er segir í fundargerð
byggðaráðsins hyggst Vegagerð-
in skila vegunum til sveitarfé-
lagsins „í viðunandi horfi miðað
við gerð þeirra“. Byggðaráðið
kveðst leggja þunga áherslu á að
ástand og gerð þessara vega verði
ásættanlegt fyrir sveitarfélagið.
„Ljóst er að marga þessara vega
hefur skort viðhald og ástand því
óásættanlegt,“ segir ráðið og neit-
ar að taka við vegunum „nema að
samkomulag náist um ásættanleg-
ar vegabætur“. - gar
Vegagerðin vill losna við vegi:
Neita yfirtöku
vega án bóta
RANNSÓKNARSKÝRSLA Fasteigna-
lán bankanna voru „tómt rugl“ að
mati Sigurjóns Þ.
Árnasonar, fyrr-
verandi banka-
stjóra Lands-
banka Íslands. Í
skýrslu rann-
sóknarnefndar
Alþingis segir
hann lánin hafa
verið á alltof
lágum vöxtum og
að hann hafi verið hissa að erlend
matsfyrirtæki tækju ekki í taum-
ana. „En hvað áttirðu að gera?“
segir Sigurjón. „Þegar kerfið er
hannað þannig að ef þú ferð í við-
skipti þá ertu læstur næstu 40 ár.
Hvað áttu að gera? Og þú bara ferð
út í vit leysuna líka. Og ég var alltaf
hissa á að Moody‘s sögðu ekki við
mann: Eruð þið klikkaðir? Ég var
alltaf að vona að þeir mundu setja
eitthvert vit í galskapinn.“ - bs
Sigurjón Árnason:
Fasteignalánin
voru „tómt rugl“
SIGURJÓN Þ.
ÁRNASON
RANNSÓKNARSKÝRSLA Skúli Eggert Þórðarson
ríkisskattstjóri segir að misritun við skrán-
ingu gagna hafi leitt til þess að rangar upp-
lýsingar um hlutafjáreign í 365 miðlum, fyr-
irtækisins sem rekur Fréttablaðið og fleiri
fjölmiðla, voru teknar í skrá skattyfirvalda og
síðan sendar rannsóknarnefnd Alþingis.
Í skýrslu rannnsóknarnefndar Alþingis
segir að svokallaður Gervimaður útlönd hafi
átt 50% hlutafjár í 365 miðlum á árinu 2008.
„Það var skráð inn samtala eins og það væri
óþekktur hlutafjáraðili,“ segir Skúli Egg-
ert við Fréttablaðið. „Frágangurinn var með
þeim hætti að þetta er tekið rangt upp í skrá
skattyfirvalda.“ Spurður hvort það léki grun-
ur á óskýrðu, erlendu eignarhaldi í 365 miðl-
um á þessum tíma, sagði Skúli Eggert: „Nei,
nei, það er ekki neitt sérstakt í kringum það.“
Gervimaður útlönd er hugtak sem notað er
í tölvugrunnum skattyfirvalda yfir þá sem
eru skráðir fyrir eignarhlut í íslenskum fyr-
irtækjum en hafa ekki íslenska kennitölu. Í
samtali við Skúla Eggert kom fram að verk-
takar rannsóknarnefndar hafi ekki áttað sig
á því að skattyfirvöld áttu bakupplýsingar á
pappír um þá aðila sem fengið höfðu kennitölu
Gervimanns útlönd við skráningu í gagna-
grunna. -pg
Ríkisskattstjóri segir misritun að Gervimaður útlönd hafi átt hlut í 365:
Rangur frágangur gagna olli rangri skráningu
HÖFUÐSTÖÐVAR 365 Ríkisskattstjóri segir misritun við
skráningu gagna hafa leitt til þess að rangar upplýsing-
ar voru um hlutafjáreign í 365 miðlum.