Fréttablaðið - 22.04.2010, Síða 64

44 22. apríl 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Útgáfufyrirtæki sem eingöngu gefa út stafrænt eru algeng erlend-
is, en á Íslandi hefur farið lítið fyrir þeim. Undantekningin er hin
ágæta hip-hop útgáfa Coxbutter (www.coxbutter.com) sem er búin að
senda frá sér tólf plötur sem hægt er að
hala niður ókeypis. Margt fínt þar, t.d.
fyrsta sólóplata 7berg, Of góður dagur til
að borga reikninga, sem kom út í fyrra, en
flaug frekar lágt. Íslenskir tónlistaráhuga-
menn ættu ekki að klikka á því að athuga
hvað er í boði hjá Coxbutter.
Annar félagsskapur sem gefur gæðaefni
án endurgjalds á netinu er raftónlistarhóp-
urinn Weirdcore (www.weirdcore.com), en
rjóminn af íslenskum raftónlistarmönnum
hefur troðið upp og gefið út á hans vegum.
Weirdcore gaf út fína safnplötu 2008 og
bætti annarri við í lok síðasta árs. Á nýju
plötunni eru fimmtán lög með jafnmörg-
um flytjendum. Fullt af góðu efni með
listamönnum eins og Biogen, Yagya, Ruxpin, Skurken, Quadruplos og
Hypno. Ruxpin gaf út plötuna Where Do We Float From Here í fyrra.
Hún kom þá bara út stafrænt, en er nú komin komin á disk líka. Af
því tilefni gefur Ruxpin þrettán laga remix-plötuna I Wonder If This
Is The Place í samvinnu við útgáfufyrirtækið n5MD (www.n5md.com).
Austfirska hljómsveitin Miri hefur vakið mikla athygli fyrir líflega
og skemmtilega frammistöðu á tónleikum. Þeir eru að vinna að nýrri
plötu sem Kimi gefur út í sumar. Þangað til er hins vegar hægt að
sækja 8-laga remix-plötu með þeim frítt á vef Kimi (www.kimirecords.
net/miri/miri_rmx_ep). Á plötunni endurvinna listamenn á borð við
Retro Stefson, FM Belfast, Ruxpin, Biogen og Quadruplos Hamingju-
lagið. Skemmtilegt.
Loks er vert að geta vefsíðunnar Dansidans.com sem er bloggsíða
um íslenska raf- og danstónlist. Þar má hlaða niður mixum (eða syrp-
um eins og Dansidans-menn kalla þær) með íslenskum plötusnúðum á
borð við Margeir, Óla Ofur og Introbeats.
Gefins góðmeti
FRÍTT GÓÐGÆTI Á vefsíðu Kimi
Records er hægt að sækja 8
laga remix-plötu með Miri.
> Í SPILARANUM
Deftones - Diamond Eyes
Blitzen Trapper - Destroyer of the Void
Broken Social Scene - Forgiveness Rock Record
LCD Soundsystem - This is Happening
Stafrænn Hákon - Sanitas
DEFTONES STAFRÆNN HÁKON
Beðið hefur verið eftir
nýrri plötu frá The National
með mikilli eftirvæntingu.
Nú er hún loksins á leiðinni,
en væntingarnar eru him-
inháar og það er spurning
hvort hljómsveitinni tekst
að heilla aðdáendur sína.
New York-hljómsveitin The
National sendir frá sér plötuna
High Violet 10. maí næstkomandi.
Platan fylgir eftir hinni frábæru
Boxer sem kom út árið 2007 og
kynnti hljómsveitina fyrir miklu
stærri áheyrendahópi en hún var
vön – lög eins og Fake Empire og
Mistaken for Strangers heyrðust
í útvarpi um allan heim og The
National var allt í einu eitt af stóru
nöfnunum á stórum tónleikahátíð-
um. Það hvílir því mikil pressa á
hljómsveitinni – High Violet verð-
ur að vera góð.
Hinn 10. mars í ár kom The
National fram í kvöldþætti Jimmy
Fallon og flutti lagið Terrible
Love, sem er upphafslag High
Violet. Lagið er nokkuð frábrugðið
því sem hljómsveitin var að gera
á Boxer, takturinn er annar ásamt
andrúmsloftinu. Þegar hlustað er
á plötuna heyrist þó að hljómsveit-
in er fljót að skipta í lága drifið
sem einkenndi Boxer; lag númer
tvö, Sorrow, er frábær sorgar-
söngur sem hefði alveg eins getað
komið út á Boxer. Lögin sem fylgja
í kjölfarið virðast svo ekki ætla að
valda vonbrigðum.
Talandi um andrúmsloft þá var
það gríðarlega stór hluti af því sem
gerði síðustu plötu góða. Lögin
voru keyrð áfram af öflugu ryþ-
mapari og píanói, en sú uppröðun
hefði auðveldlega getað orðið ódýrt
afrit af Coldplay. Bresku sykurpúð-
arnir eru hins vegar síðasta hljóm-
sveitin sem manni dettur í hug við
hlustun á Boxer og nýju plötuna
High Violet. Guði svo lof.
Þegar hljómsveitin Interpol sló
í gegn með plötunni Turn on the
Bright Lights árið 2002 fylgdu
nokkrar hljómsveitir á eftir og
tóku misgóð afrit af stílnum. Þar
fór fremst í flokki breska hljóm-
sveitin Editors, sem hefur þó reynt
að finna eigin stíl í seinni tíð. The
National er undir augljósum áhrif-
um frá Interpol en hefur algjör-
lega tekist að skapa eigin hljóm á
eigin forsendum. High Violet virð-
ist ætla að undirstrika það, en nán-
ast það eina sem hljómsveitirnar
tvær eiga sameiginlegt í dag er
fagmannlegur trommuleikur og
baritón rödd. Spennandi verður
að sjá hvernig umheimurinn tekur
nýju framlagi The National í maí.
atlifannar@frettabladid.is
Heldur áfram í lága drifinu
NÝ PLATA Í MAÍ The National sendir loksins frá sér nýja plötu eftir þriggja ára bið. MYND/KEITH KLENOWSKI
Interpol - Turn on the Bright Lights
The Walkmen - You and Me
Wolf Parade - Apologies to Queen
Mary
EF ÞÚ KUNNIR AÐ META
ÞESSAR SKALTU
GEFA THE NATIONAL
SÉNS – OG ÖFUGT:
Síðasti dagur til að skrá hljóm-
sveitir í hljómsveitakeppnina
Þorskastríðið er á morgun. Sam-
kvæmt upplýsingum frá Cod
Music sem stendur að keppninni
hafa um 40 bönd þegar sent inn
efni. Verður það að teljast dágóð-
ur fjöldi, sér í lagi þegar horft
er til þess að nú er bara tekið við
lögum með íslenskum texta.
Sigurvegari keppninnar verð-
ur kynntur í beinni útsendingu
á Rás 2 30. apríl. Sigurvegarinn
hlýtur að launum stúdíótíma og
ferð til Færeyja þar sem hann
fær að koma fram á G Festival.
Vinsælt
ÞorskastríðMánuður er nú liðinn síðan önnur breið-
skífa Seabear, We Built a Fire, kom
út. Platan fékk flotta dóma í íslensk-
um miðlum, til að mynda fjór-
ar stjörnur hér í Fréttablaðinu.
Nokkrir dómar sem birst hafa í
erlendum miðlum hafa verið tekn-
ir saman á Metacritic.com. Þar má
sjá að platan fær 50 af 100 hjá Pop-
matters, 60 af 100 í Uncut og All
Music Guide, 70 hjá Drowned
in Sound og Under the Radar,
78 hjá Filter og 80 hjá music-
OMH.com.
Breska tónlistarblaðið Q
birtir dóm um plötu Sea-
bear í maíhefti blaðsins.
Þar fær platan fjórar
stjörnur og sagt að bandarískir tón-
listarmiðlar hafi nefnt Sindra Má
Sigfússon, aðalsprautu Seabear,
„Hinn íslenska Beck“. Gagn-
rýnandi Q er þó þeirrar skoð-
unar að tónlist Seabear minni
meira á það sem Zach Condon
hafi gert með Beirut. Báðar
samlíkingarnar hljóta að teljast
ágætis meðmæli fyrir Sindra og
hans fólk. - hdm
Hinn íslenski Beck
GÓÐAR VIÐTÖKUR Plata Sindra Más
og krakkanna í Seabear fær prýð-
isgóðar viðtökur í erlendum
tónlistarmiðlum. Sindra er
bæði líkt við Beck Hansen
og Zach Condon.
Rapparans Guru, sem lést á mánu-
daginn eftir baráttu við krabbamein,
er sárt saknað innan rapptónlistar-
heimsins. Aðdáendur kappans hafa
sent frá sér fjölda Twitter-skilaboða
þar sem þeir minnast hans auk þess
sem fyrrum félagar hans úr rappsen-
unni syrgja hann mjög. „Guru skildi
eftir sig tónlist sem færði okkur á
æðra stig,“ sagði fyrrum kynning-
arfulltrúi hans. „Hann leitaði út
fyrir hip-hop-tónlistina og heiðraði
þá tónlistarmenn sem veittu honum
innblástur. Í augum Guru voru engin
landamæri á milli hip-hops og djass,
hip-hops og nýrrar sálartónlistar og
hip-hops og sögunnar.“
Guru, sem hét réttu nafni Keith
Elam, skaust fram í sviðsljósið á
níunda áratugnum sem annar helm-
ingur dúósins Gang Starr. Hinn
helmingurinn var DJ Premier. Þeir
gáfu út sex plötur á árunum 1989
til 2003 sem fengu góðar viðtökur.
Eftir það hóf Guru sólóferil og gaf
út Jazzmatazz-plötur sínar þar sem
hann blandaði saman hip-hop-tónlist
og djassi í auknum mæli.
Í bréfi sem hann skildi eftir sig
þakkaði hann kærlega fyrir sig:
„Sem stofnandi Gang Starr er ég
mjög stoltur af því hvað tónlist
Gang Starr skipti tónlistarheiminn
og aðdáendurna miklu máli,“ skrif-
aði hann.
„Ég er alveg jafn stoltur af Jazz-
matazz-plötunum.“
Rapparans Guru sárt saknað
GURU Guru lést á mánudaginn eftir
baráttu við krabbamein. NORDIPHOTOS/GETTY