Fréttablaðið - 22.04.2010, Qupperneq 40

22. APRÍL 2010 FIMMTUDAGUR4 ● fréttablaðið ● reiðhjól
Kemur út laugardaginn 24. apríl
Menning
Auglýsendur vinsamlegast hafið samband:
Bjarni Þór
• bjarni thor@365.is
• sími 512 5471
Vinnusetrið Fjölsmiðjan og
Kiwanisklúbburinn Katla
hafa fært frístundaheimilum í
Breiðholti tuttugu reiðhjól og
hjálma að gjöf.
„Þetta var heilmikið verk en mjög
skemmtilegt og gaman að geta
glatt börnin í frístundaheimilun-
um svona,“ segir Þorleifur Guð-
jónsson, deildarstjóri tölvu- og
pökkunardeildar hjá Fjölsmiðj-
unni, vinnusetri fyrir ungt fólk
sem stendur á krossgötum. Á
mánudag afhenti Fjölsmiðjan frí-
stundaheimilum í Breiðholti tut-
tugu reiðhjól sem starfsmenn hafa
gert upp. Að auki afhenti Kiwan-
isklúbburinn Katla frístundaheim-
ilunum reiðhjólahjálma fyrir not-
endur reiðhjólanna.
Í Fjölsmiðjunni gefst fólki tæki-
færi til að þjálfa sig fyrir almenn-
an vinnumarkað eða áframhald-
andi nám. Að sögn Þorleifs fékk
smiðjan gefins um tvö hundruð
reiðhjól frá Vodafone, sem síma-
fyrirtækið hætti við að nota í aug-
lýsingaherferð. „Síðan þá hafa
ungmennin sem starfa hjá okkur
verið að yfirfara hjólin, pumpa í
þau, herða þau upp og koma þeim
í stand. Það er mikil vinna fyrir
unga fólkið og til þess er leikurinn
gerður,“ segir Þorleifur.
Hann segir Kiwanisklúbbinn
Kötlu hafa komið að máli við sig
og boðist til að útvega hjálm fyrir
hvert reiðhjól sem Fjölsmiðjan
gefur. „Ég er ánægður með sam-
starfið við Kiwanisklúbbinn og það
er nóg af hjólum eftir hjá okkur.
Við viljum endilega að þau renni
til góðra verka og áhugasamir
mega gjarnan hafa samband við
okkur,“ segir Þorleifur.
Það er Miðberg, miðstöð frí-
stundaheimila í Breiðholti, sem
fær reiðhjólin tuttugu og verða
þau notuð í klúbbastarfi átta og
níu ára barna. Ljósmyndari Frétta-
blaðsins tók hús á fyrsta hópnum
sem fékk að prófa nýju hjólin og
ekki bar á öðru en krakkarnir
væru hæstánægð. - kg
Frístundaheimili fá
reiðhjól og hjálma
Afhending reiðhjólanna og hjálmanna fór fram í frístundaheimilinu Vinafelli. Á
myndinni eru fulltrúar frá Vinafelli, Fjölsmiðjunni og Kiwanisklúbbnum Kötlu.
FRÉTTABLAÐIÐ/VILHELM
„Okkur langaði að halda áfram
sem leiðsögumenn en gera eitt-
hvað sjálf. Þjónusta við ferða-
menn á góðu verði var það eina
sem okkur fannst vera vit í þegar
kreppan skall á. Við ákváðum að
þreifa okkur áfram og athuga
hvort hjólaferðir um borgina væru
eitthvað sem vantaði á markað-
inn,“ segir Ursula Spitzbart sem
stofnaði ásamt manni sínum Stef-
áni Helga Valssyni ferðaþjónust-
una Reykjavík Bike Tours sumar-
ið 2009. Fyrirtækið býður upp á
fríar skoðunarferðir á reiðhjólum
um óvenjulega og spennandi staði
í miðborginni.
„Okkur langaði að fara með
fólkið á staði sem eru ekki alveg
augljósir. Við förum til dæmis ekki
upp að Hallgrímskirkju, heldur
nemum staðar við Landakotskirkju
í staðinn. En við komum líka við á
stöðum eins og Alþingi, Kolaport-
inu og ýmsum söfnum,“ bendir
hún á.
Fyrirmyndina að Reykjavík
Bike Tours sækja Ursula og Stef-
án til Evrópu. Hún segir ferðir
sem þessar algengar í mörgum
stórborgum erlendis og finnst að
Reykjavík ætti ekki að vera und-
antekning.
Hver túr tekur um tvo klukku-
tíma og er lagt af stað á hverj-
um degi frá Ægisgarði við gömlu
höfnina í Reykjavík. Einnig verður
boðið upp á miðnæturferðir í júní
þegar sólin er lengst á lofti. Ferðir
Reykjavík Bike Tours eru ókeyp-
is en frá og með 15. maí næstkom-
andi munu þær kosta 4.000 krónur
á mann. Allar nánari upplýsingar á
heimasíðu fyrirtækisins, www.ice-
landbike.com. - sv
Ný sýn á Reykjavíkurborg
Alþingi og nánasta umhverfi er á meðal viðkomustaða Reykjavík Bike Tours.
Anna Karlotta, dóttir Ursulu og Stefáns, slæst stundum í för með foreldrum sínum í ferðirnar, en hún er sjálfsagt yngsti „leiðsögu-
maður“ Íslands, aðeins fjögurra ára. FRÉTTABLAÐIÐ/VALLI
Börn á gjafahjólum í Fellaskóla.
M
YN
D
/Ú
R EIN
KA
SA
FN
I