Fréttablaðið - 22.04.2010, Blaðsíða 42

22. APRÍL 2010 FIMMTUDAGUR
Allar stóru fréttirnar í
sportinu, hellingur af
skúbbi og Mín skoðun!
Sport og Rokk
á X-inu 977
Fótbolti
Handbolti
Körfubolti
Golf
Margt fl eira
● FYRSTU HJÓLIN ÁRIÐ 1889 Fyrstu reiðhjólin sem vitað er um að hafi verið flutt til Íslands sáust í
Reykjavík árið 1890. Þau voru í eigu Guðbrands Finnbogasonar, verslunarstjóra hjá Fischer-versluninni, og Guð-
mundar Sveinbjörnssonar. Guðbrandur sem bjó í Reykjavík hýsti ungan mann sem byrjaði að sækja nám við Lat-
ínuskólann veturinn 1889. Þetta var Knud Zimsen sem síðar varð verkfræðingur bæjarins og svo borgarstjóri
Reykjavíkur. Í frístundum undi hann sér við að hjóla en
lýsing hans á fyrsta reiðhjólinu hérlendis er enn varð-
veitt á þjóðminjasafninu og er svohljóðandi:
„Hjólgrindin var úr járni, en hjólin úr tré með járn-
gjörðum. Ekkert drif var á því, og var aðeins hægt að
stíga framhjólið. Það var því ekki auðvelt að fara hratt
á því, og ókleift mátti heita að hjóla á því upp nokkurn
verulegan bratta. Ég gerði heldur ekki víðreist á því,
hjólaði aftur og fram um Aðalstræti og renndi mér á
því niður Fischersund.“
Reiðhjólið sem Knud lýsir var af Velocipede-gerð eða
„benskakare“ eins og það var kallað í Svíþjóð. Það var
vinsælt á sjöunda og áttunda áratug nítjándu aldar í
nágrannalöndum og víðar í Evrópu.
Heimild: Reiðhjólið á Íslandi í 100 ár eftir
Óskar Dýrmund Ólafsson
Magne Kvam skipuleggur og
rekur ferðir í gegn um www.ic-
ebikeadventures.com, þar sem
hann ferðast með hjólreiða-
fólki upp á hálendi Íslands.
Hugmyndin að Icebike Adventures
kviknaði þegar Magne var leið-
sögumaður uppi á hálendinu fyrir
nokkur þekkt nöfn í hjólabransan-
um frá Kanada, ásamt ljósmynd-
ara. Ferðin var farin fyrir eitt af
stærstu hjólatímaritum í heimi og
fjallaði um ferðasögu á Íslandi.
„Þau voru svo hrifin af landinu og
sögðu að Ísland væri eitt af þrem-
ur bestu stöðum heims til að hjóla
á og þetta er fólk sem hefur hjólað
úti um allan heim,“ segir Magne.
Ferðirnar sem Magni skipulegg-
ur eru stílaðar inn á hjólreiðar sem
sport, frekar heldur en ferðamáta.
„Ég vil að fólkið fái sem mest út
úr hjólunum,“ segir Magne. „Þetta
byggist mikið upp á því að labba
upp fjallið og hjóla svo niður. Er-
lendis kallast þetta Hike-a-Bike,
en ég hef ekki enn þá fundið orð
fyrir þetta á íslensku.“
Þessar ferðir einkennast af
hraða og snerpu og segir Magne að
þetta sé fyrir alla sem hafa áhuga
á fjallahjólreiðum og stórbrotnu
landslagi. „Ég fer mikið upp á
Fjallabak, en ég er líka með nokkr-
ar leiðir sem eru nær Reykjavík,“
segir hann. Nánar á www.icebik-
eadventures.com. - sv
Áherslan á sportið sjálft
Túrarnir eru tilvaldir fyrir unnendur
stórbrotinnar náttúru.
Ferðirnar sem Magne skipuleggur eru stílaðar inn á hjólreiðar sem sport. MYND/ÚR EINKASAFNI
Ferðirnar einkennast af miklum hraða og snerpu að sögn Magne.
Fyrst er gengið upp á fjöllin og svo
hjólað niður.