Fréttablaðið - 22.04.2010, Blaðsíða 25
FIMMTUDAGUR 22. apríl 2010 25
Í skýrslu Ingibjargar Sólrún-ar Gísladóttur fyrrum utan-
ríkisráðherra fyrir Rannsókn-
arnefnd Alþingis 17. júlí 2009
segir svo á bls. 25 (8. bindi, bls.
140): „eftir á koma menn og
segjast hafa varað við og séð
hvað var að gerast – tveir sem
hafa gert það, annar Robert
Wade og hinn Þorvaldur Gylfa-
son. Þetta voru báðir menn sem
höfðu mjög greiðan aðgang að
mér, sem ég var í persónuleg-
um samskiptum við, og að þeir
kæmu á framfæri þeim upplýs-
ingum við mig að bankakerf-
ið okkar væri komið að fótum
fram, eða í mikilli hættu, það
gerðu þeir ekki.“
Á þunnum ís?
Hinn 7. apríl 2008, hálfu ári
fyrir hrun, sendi ég Ingibjörgu,
Geir Haarde forsætisráðherra
og þrem þingmönnum stjórnar-
andstöðunnar grein, sem birtist
þann dag í alþjóðlega vefrit-
inu Vox. Greinin birtist síðan í
íslenzkri þýðingu undir heitinu
„Á þunnum ís?“ hér í Frétta-
blaðinu 19. apríl 2008. Þar segir:
„erlendar skammtímaskuld-
ir bankakerfisins voru í árslok
2007 fimmtán sinnum meiri en
gjaldeyrisforði Seðlabankans. Í
ljósi þess lærdóms, sem dreginn
var af fjármálakreppunni í Asíu
1997-1998, hefði þetta ekki átt
að geta gerzt. Stjórnvöld hefðu
átt að standa í veginum. Hér er
ekki litið í baksýnisspegil. Rík-
isstjórnin og Seðlabankinn voru
hvað eftir annað vöruð við, opin-
berlega og afdráttarlaust. Svar
þeirra var, að Ísland sé ekki
Taíland.“ Eini þingmaðurinn,
sem kvittaði fyrir sendinguna,
var Jón Magnússon hæstarétt-
arlögmaður. Hin þögðu.
Ég hef birt vikulega pistla hér
í Fréttablaðinu síðan í febrúar
2003 og auk þess oft komið fram
í öðrum miðlum, útvarpi og
sjónvarpi. Því er hægt um vik
að ganga úr skugga um, hvað ég
skrifaði um efnahagsmálin og
bankana og hvenær í aðdrag-
anda hrunsins, auk þess sem
pistlar mínir eru allir aðgengi-
legir ýmist á vefsetri mínu eða
í síðasta ritgerðasafni mínu,
Tveir heimar (2005).
Nauðvarnarsamstarf
Ég hef aldrei sótzt eftir að lýsa
skoðunum mínum í einkasam-
tölum við stjórnmálamenn, utan
einu sinni. Það var fyrir kosn-
ingarnar 2007. Þá bauð ég Ingi-
björgu Sólrúnu í kaffi til að
hvetja hana til að undirbúa sam-
stjórn Samfylkingar og VG eftir
kosningar með því að leggja
fram sameiginlega stefnuskrá
og lofa því fyrir kosningar að
mynda slíka stjórn til að bægja
Sjálfstæðisflokknum og Fram-
sóknarflokknum frá völdum.
Um það leyti var mér boðið á
fáeina fundi Ingibjargar, sem
var þá formaður Samfylkingar-
innar, með nokkrum öðrum hag-
fræðingum og öðru fólki og einu
sinni eftir kosningar 2007, eftir
að Samfylkingin gekk til sam-
starfs við Sjálfstæðisflokkinn. Í
gegnum tíðina hef ég stöku sinn-
um fengið slíkar kvaðningar frá
flestum stjórnmálaflokkum eða
flokksfélögum, yfirleitt þegar
þeir eru í stjórnarandstöðu, og
ég hef reynt að taka þeim öllum
vel og hjálpsamlega. Þar eð til-
laga mín um nauðvarnarsam-
starf vinstri flokkanna vakti
engin viðbrögð, birti ég hana
hér í Fréttablaðinu nokkru síðar
(„Við myndum stjórn“ 19. apríl
2007).
„Ógeðslegt þjóðfélag“
Í skýrslu Styrmis Gunnarsson-
ar fyrrum ritstjóra Morgun-
blaðsins fyrir Rannsóknarnefnd
Alþingis 1. október 2009 segir
svo á bls. 1–2 (8. bindi, bls. 179).
„[É]g er búinn að fylgjast með
þessu í 50 ár. Þetta er ógeðslegt
þjóðfélag, þetta er allt ógeðs-
legt. Það eru engin prinsipp, það
eru engar hugsjónir, það er ekki
neitt. Það er bara tækifæris-
mennska, valdabarátta.“
Afdráttarlaus játning Styrm-
is Gunnarssonar vekur eftir-
tekt og umhugsun. Hvers vegna
lá ritstjórinn á þessari skoðun
sinni í hálfa öld? Hann þekkir
vel til íslenzkra stjórnmála og
hvergi betur en í Sjálfstæðis-
flokknum. Hann kemst svo har-
kalega að orði nú, þegar öllum
eru orðin ljós verk valdaklík-
unnar, sem ráðið hefur lögum
og lofum í flokknum. Styrmir
Gunnarsson var innsti koppur
í búri Sjálfstæðisflokksins og
nátengdur þessari valdaklíku.
Játning Styrmis hlýtur að lýsa
fyrst og fremst því ástandi og
þeim mönnum, sem hann þekkir
vel úr návígi. Styrmir Gunnars-
son kaus að draga játninguna
þar til nú, þegar rannsóknar-
nefndin hefur kveðið upp þunga
áfellisdóma yfir tveim fyrrum
formönnum Sjálfstæðisflokks-
ins auk annarra. Áfelli rann-
sóknarnefndarinnar virðist geta
leitt til fangelsisdóma, nema for-
seti Íslands kjósi að náða hina
seku. Náðunarvald forsetans
nær þó ekki til ráðherra, sem
Landsdómur hefur dæmt seka,
nema með samþykki Alþingis.
Styrmir Gunnarsson hefði mátt
leysa fyrr frá skjóðunni. Morg-
unblaðið mætti temja sér sömu
hreinskilni, þótt seint sé.
Árinni kennir illur ræðari
Þorvaldur Gylfason
prófessor
Í DAG
Ég hef aldrei sótzt eftir að lýsa skoð-
unum mínum í einkasamtölum við
stjórnmálamenn, utan einu sinni. Það
var fyrir kosningarnar 2007. Þá bauð ég
Ingibjörgu Sólrúnu í kaffi til að hvetja hana til að und-
irbúa samstjórn Samfylkingar og VG eftir kosningar...
AF NETINU
Viðvörunarorð forsetans
Í dag þykir forsvarsmönnum í ferðaþjónustu að forsetinn hafi rétt eina ferð-
ina talað illilega af sér. Og hvað sagði hann nú? Jú, hann sagði víst að gosið í
Eyjafjallajökli væri aðeins sýnishorn af því sem gerast myndi þegar Katla gysi.
En það er reyndar hárrétt, sem forsetinn sagði í þessu viðtali
við BBC, að evrópskar ríkisstjórnir og flugfélög um allan heim
gerðu rétt í að búa sig undir Kötlugos. Gosið í Eyjafjallajökli
hefur leitt í ljós hversu viðkvæmar nútímasamgöngur eru fyrir
náttúruhamförum af þessu tagi.
Þótt ekki sé fullvíst að Katla gjósi á næstunni, má allt eins
gera ráð fyrir því. Og þá getur komið sér vel að hafa neyðaráætlanir tilbúnar.
Forsvarsmenn flugfélaga hafa síðustu dagana borið sig aumlega undan
flugbanninu og segjast hafa tapað gríðarlegum peningum. Hugarfar þeirra
sem reka stærstu ferðaþjónustufyrirtækin hérlendis virðist svipað.
Menn vilja sem sé umfram allt fá að halda áfram að græða peninga. Því
hugarfari lauk ekki með hruninu. Mannslíf í hættu – er það ekki aukaatriði?
http://www.jondan.is – Jón Daníelsson
Stúlknakór Reykjavíkur
Cantabile
Stjórnandi Margrét J. Pálmadóttir
www.domusvox.is
í Langholtskirkju Sumardaginn fyrsta
22.apríl, 2010 kl. 20:00
Miðasala við innganginn
Verð kr. 2000
ÚRSLITAKEPPNIN
ER AÐ HEFJAST
HÁPUNKTURINN Í HANDBOLTANUM
Nú er spennan í algleymingi í N1 deildinni.
Úrslitakeppni karla er að hefjast.
Mætum öll og hvetjum okkar lið til sigurs!
Í dag
Valur - Akureyri kl. 16:00 (Vodafonehöllinni)
Haukar - HK kl. 19:30 (Ásvöllum)
Laugardag
HK - Haukar kl. 16:00 (Digranesi)
Akureyri - Valur kl. 20:00 (Höllinni, Akureyri)
Mánudag
Haukar - HK kl. 19:30 (Ásvöllum)
Valur - Akureyri kl. 19:30 (Vodafonehöllinni)
F
í
t
o
n
/
S
Í
A
Meira í leiðinniWWW.N1.IS / SÍMI 440 1000