Fréttablaðið - 22.04.2010, Síða 60

40 22. apríl 2010 FIMMTUDAGUR
Hátíðarsýning er í kvöld í
Þjóðleikhúsinu í tilefni af
því að sextíu ár eru liðin frá
því húsið var vígt. Á fjöl-
unum í kvöld er leikgerð
Benedikts Erlingssonar á
þríleik Halldórs Laxness,
Íslandsklukkunni, Hinu
ljósa mani og Eldi í Kaup-
inhavn. Benedikt leikstýrir
einnig sýningunni en þetta
er í fjórða sinn sem skáld-
sögur Halldórs um átök í
lífi alþýðufólks og höfðingja
á sautjándu öld rata upp á
svið Þjóðleikhússins.
Í fyrri skiptin þrjú var Íslands-
klukkan eins og sýningin var köll-
uð um síðir, þótt Lárus Pálsson
sem vann fyrstu leikgerðina hafi
kallað hana í prentaðri útgáfu
Snæfríði Íslandssól, vinsæl og jók
hróður Halldórs sem rithöfundar,
braut honum leið á þann stall sem
hann hlaut sem þjóðskáld, enda
var fyrsta sviðsetningin tekin upp
þegar hann hlaut Nóbelsverðlaun-
in. Íslandsklukkan hefur alltaf
verið vinsæl, bæði 1968 og 1985.
Þá hefur hún komið á svið í öðrum
leikgerðum, Bríetar Héðinsdótt-
ur hjá Nemendaleikhúsi og síðar
Borgarleikhúsi, og nyrðra. Ásamt
Kardemommubænum er Klukkan
það verk sem oftast hefur verið
sett upp í Þjóðleikhúsinu og fylgir
Gullna hliðið fast á eftir.
Benedikt Erlingsson sagði í
morgunsárið í gær þar sem vind-
urinn beit í gemsann hans að víst
væri hann eins og titrandi smá-
blóm: hann var að undirbúa sig
fyrir nótur á hádegi og í gærkvöld
var lokaæfing. Framundan eru
tíu uppseldar sýningar. Það hefur
vakið athygli í auglýsingum og
myndum af leikarahóp að stólar úr
gamla sal hússins skreyta sviðið.
Er hann að skoða verkið og leik-
húshefð Klukkunnar á sviði Þjóð-
leikhussins? „Við Finnur Arnar
leikmyndahönnuður erum að búa
til rými, það er rými Þjóðleik-
hússins, einhverskonar baðstofu.
Gestir sitja í brekkunni og við sitj-
um í brekkunni á móti og segjum
sögu. Þjóðleikhúsið er söguheim-
ilið okkar. Halldóra kallaði það á
sínum tíma baðstofu þar sem þjóð-
in heyrði sögur sínar. En þetta með
stóla er bara einhver núllstilling,
upphafspunktur til að sýna að við
erum hér og nú og þetta er leik-
hús. Það er frásagnarramminn
sem svo opnast og fljótt er töfra-
boxið opnað.“
Benedikt talar um verfremd-
ung og vitnar þar í Brecht: „Leik-
húsið í dag heimtar nýjan sjónar-
hól fyrir flytjendur og áhorfendur.
Sannleikurinn er sá að við erum
að rifja upp gamla sögu sem hefur
oft áður verið sögð og hún verður
sögð aftur og aftur, líka af börn-
um okkar og barnabörnum.“ Og
hvernig breytir maður sagnaljóð-
inu epíska sem sagan er í drama,
átök: „Það gerir maður með því að
strika soldið.“
Hverjum er sýningin ætluð?
„Þroskuðu upplýstu fólki sem hefur
áhuga á sögu.“ Er það þessvegna
sem árshátíðarband úr Svarfaðar-
dal er kallað til að gera tónheim
fyrir verkið? Er Íslandsklukka
Benedikts þjóðlegt músikal? „ Þeir
félagar í Hundi í óskilum passa vel
við þá tónlistarmenn sem sagan
segir frá, vísubrot, eftirhermur af
sálmaslitrum og einhver eftirlík-
ing af söng og dúllerí er það sem
menn réðu við í þá daga, svo þeir
passa inn í myndina. Þeir eru þjóð-
legir listamenn og við erum stödd
í leikhúsi þjóðarinnar.“
Hópurinn sem stendur að baki
nýrri sviðsetningu á Klukkunni
er fjölskipaður: Finnur Arnar
gerir leikmynd en Helga Björns-
son búninga. Lýsing er í höndum
Halldórs Arnar Óskarssonar og
Lárusar Björnssonar. Leikarar
eru Anna Kristín Arngrímsdótt-
ir, Arnar Jónsson, Björn Hlynur
Haraldsson, Björn Thors, Edda
Arnljótsdóttir, Elva Ósk Ólafs-
dóttir, Erlingur Gíslason, Guðrún
Snæfríður Gísladóttir, Herdís Þor-
valdsdóttir, Ilmur Kristjánsdótt-
ir, Ingvar E. Sigurðsson, Jón Páll
Eyjólfsson, Kjartan Guðjónsson,
Lilja Nótt Þórarinsdóttir, Stefán
Hallur Stefánsson, Þórunn Lárus-
dóttir. Tónlist og hljóðfæraleikur
á sviði annast Hundur í óskilum,
þeir Eiríkur Stephensen og Hjör-
leifur Hjartarson.
pbb@frettabladid.is
Klukkan í kvöld
LEIKLIST Ingvar E. Sigurðsson sem Jón Hreggviðsson og Herdís Þorvaldsdóttir sem
hans aldna móðir. FRÉTTABLAÐIÐ/STEFÁN
ÓKEYPIS AÐGANGUR
FIMMTUDAGUR 22. APRÍL SUMARDAGURINN FYRSTI
FÖSTUDAGUR 23. APRÍL LAUGARDAGUR 24. APRÍL
SUNNUDAGUR 25. APRÍL
Opnunaratriði frá kl. 20:15-20:30
STÓRSVEIT TÓNLISTARSKÓLA GARÐABÆJAR
Stjórnandi: Bragi Vilhjálmsson
KL. 20:30 KIRKJUHVOLL
safnaðarheimili Vídalínskirkju
KL. 20:30 KIRKJUHVOLL
safnaðarheimili Vídalínskirkju
KL. 20:30 URÐARBRUNNUR
Hátíðarsalur Fjölbrautaskólans í Garðabæ
Húsið opnar kl. 19:45
KL. 20:30 VÍDALÍNSKIRKJA
STÓRTÓNLEIKAR
ÓSKAR GUÐJÓNSSON,
MEZZOFORTE OG AÐRIR VINIR
AGNAR MÁR
MAGNÚSSON
KÓR VÍDALÍNSKIRKJU
OG GOSPELKÓR JÓNS
VÍDALIN ÁSAMT GESTUM
SÓLÓ PÍANÓ DANSKUR JAZZSÖNGUR
CATHRINE LEGARDH
STÓRHÁTÍÐ KÓRANNA
FÖSTUD. 23. APRÍL KL. 14:00 JÓNSHÚS
félags- og þjónustumiðstöð við Strikið 6
Sjá nánar um dagskrá á
www.gardabaer.is