Fréttablaðið - 22.04.2010, Blaðsíða 74

54 22. apríl 2010 FIMMTUDAGUR
sport@frettabladid.is
Undanúrslitin um Íslandsmeistaratitilinn í handbolta hefjast í kvöld
en þá mætast Valur og Akureyri annars vegar og Haukar og HK hins
vegar. Tvo sigra þarf til að komast í úrslitin.
„Við fáum heldur betur krefjandi verkefni, Haukarnir
eru með frábært lið og frábæran þjálfara. Við komum
tilbúnir til leiks og förum í þetta þannig að við höfum
engu að tapa en allt að vinna,“ segir Gunnar Magnús-
son, þjálfari HK-inga.
„Við höfum spilað við þá fjórum sinnum í vetur og
unnið heimaleikina en tapað útileikjunum. Það gefur
okkur aukið sjálfstraust að hafa unnið þá tvisvar.
Heimavöllurinn hafði mikið að segja í þeim
leikjum en við vitum að það telur ekkert núna.
Það bíður okkar gríðarlega erfitt verkefni og
við þurfum að vera heldur betur tilbúnir,“
segir Gunnar. „Það er virkilega mikil reynsla
í Haukaliðinu. Þeir eru með breiðan hóp
og hafa tvo góða markmenn. Þeir spila margs konar varnir og hafa
sigurhefðina. Þetta eru Íslands-, bikar- og deildarmeistararnir og það
þarf ekki að segja meira.“
Þrír leikmenn HK, Ragnar Hjaltested, Ólafur Víðir Ólafsson og Bjarki
Már Gunnarsson, glíma allir við meiðsli. „Ég er bjartsýnn á að tveir af
þessum þremur nái að pína sig í gegnum þetta,“ segir Gunnar sem
fékk í gær viðurkenningu sem besti þjálfarinn í umferðum 15-21.
„Að sjálfsögðu er maður ánægður með að fá viðurkenningu fyrir
sín störf, maður er stoltur. Þetta hefur verið mjög góður árangur hjá
liðinu og ég er ánægður með veturinn hingað til,“ segir Gunnar.
Magnús Erlendsson, markvörður Fram, var valinn leikmað-
ur umferðanna. Auk hans skipa þeir Atli Ævar Ingólfsson
(HK), Oddur Grétarsson (Akureyri), Bjarni Fritzon (FH),
Sigurbergur Sveinsson (Haukum) og Valsararnir Arnór
Þór Gunnarsson og Fannar Þór Friðgeirsson úrvalslið
síðasta þriðjungs deildarkeppninnar.
GUNNAR MAGNÚSSON ÞJÁLFARI HK: SEGIR SITT LIÐ HAFA ENGU AÐ TAPA EN ALLT AÐ VINNA GEGN HAUKUM
Gefur aukið sjálfstraust að hafa unnið þá tvisvar
KÖRFUBOLTI Snæfell tekur á móti
Keflavík í öðrum úrslitaleik lið-
anna um Íslandsmeistaratitilinn í
Stykkishólmi klukkan 19.15 í kvöld.
Keflavík vann fyrsta leikinn með
yfirburðum og þegar Fréttablaðið
heyrði í Magnúsi Þór Gunnarssyni,
fyrrverandi leikmanni Keflavíkur
og núverandi leikmanni Njarðvík-
ur, þá er hann á því að Keflavík
vinni úrslitaeinvígið 3- 0.
„Ef þeir halda svona
áfram þá reikna ég
bara með því að
Kef lav í k v i n n i
þetta 3-0. Ég veit
að Hlynur Bær-
ingsson, vinur minn, verð-
ur ekki ánægður með það
en ég held að þetta sé pínu
sálfræðilegt hjá Snæfelling-
um eftir síðustu ár,“ segir
Magnús en Snæfell hefur
nú tapað 10 af 12 leikjum
sínum í lokaúrslitum.
„Það eru allir í Keflavík að
toppa á sama tíma. Þeir eru með
hörkuhóp og eru búnir að vera með
hann í allan vetur. Þeir enduðu
ekki í öðru sæti fyrir ekki neitt.
Eins og síðasti leikur fór þá lítur
þetta mjög vel út fyrir Keflavík og
ef Keflavík heldur svona áfram þá
er Snæfell ekkert að fara að stoppa
þá,“ segir Magnús sem segir mikil-
vægasta leikinn vera í kvöld.
„Ég held að það sé komið í
hausinn á nokkrum í Snæfells-
liðnu sem hafa spilað og tapað
áður. Það er alveg sama hvað
þeir hafa verið með gott lið
því þeir hafa alltaf tapað,“
segir Magnús og hann er
ekki á því að tilkoma Jebs
Ivey í lið Snæfells breyti
miklu.
„Það breytir engu að
Jeb sé kominn. Hann er
góður leikmaður og allt
það en hann þarf tíma til
að aðlagast,“ sagði Magn-
ús. - óój
Magnús Þór Gunnarsson spáir í úrslitaeinvígið:
Fer 3-0 fyrir Keflavík
MAGNÚS ÞÓR GUNNARSSON
> Jeb Ivey kemur á síðustu stundu
Snæfellingar vonast til að bandaríski leikstjórnandinn
Jeb Ivey verði kominn í Hólminn fyrir leikinn í kvöld
og að Jón Ólafur Jónsson verði leikfær þrátt fyrir að
hafa spilað síðasta leik með lungnabólgu. Jeb Ivey
mun leysa af Sean Burton sem er meiddur. Ivey kemst
þó ekki í Hólminn fyrir en á síðustu
stundu. Hann var í gær að reyna að
komast sem fyrst í flug til Íslands frá
Stokkhólmi en Ingi Þór Steinþórsson,
þjálfari Snæfells, spáði því í
gær að Ivey muni líklega koma
seinna í Fjárhúsið í kvöld heldur
en andstæðingarnir úr Keflavík.
ECCO GOLFSKÓR
KRINGLAN
SÍMI 553 80 50
Golfhandklæði og
Tí-pokar fylgja með
hverju keyptu pari af
golfskóm 23. til 27. apríl
Kerru og burðarpokar
14.995,-á frábæru verði
HE
RR
A
SK
Ó
R
D
Ö
M
US
KÓ
R
38804 01001
Stærðir: 39 - 47
39484 52570
Stærðir: 39 - 47
39404 55360
Stærðir: 39 - 47
M.Flexor Casual Cool II premium Casual Cool II GTX
38483 52569
Stærðir: 36 - 42
38473 51293
Stærðir: 37 - 41
38593 01007
Stærðir: 36 - 41
Comfort Swing GTX Casual Cool Hydromax Comfort Swing Hydromax
N1 Deildin
KARLAR
Fimmtudagur
Vodafone höll
Ásvellir
Valur - Akureyri
Haukar - HK
16:00
19:30
2009 - 2010
ÚRSLITAKEPPNIN HEFST
Meistaradeild Evrópu
Bayern München - Lyon 1-0
1-0 Arjen Robben (69.).
Þýska úrvalsdeildin
Kiel - Füchse Berlin 35-26
Aron Pálmarsson skoraði tvö mörk fyrir Kiel og
Rúnar Kárason eitt fyrir Füchse Berlin.
Rhein-Neckar Löwen - Minden 37-32
Snorri Steinn Guðjónsson skoraði tvö fyrir RNL og
Ólafur Stefánsson eitt. Gylfi Gylfason skoraði
fjögur fyrir Minden og Ingim. Ingimundarson tvö.
Lemgo - Melsungen 35-30
Vignir Svavarsson skoraði tvö fyrir Lemgo en Logi
Geirsson var ekki í leikmannahópi liðsins.
Flensburg - Grosswallstadt 24-18
Alexander Petersson skoraði tvö mörk fyrir Flens-
burg, Einar Hólmgeirsson tvö fyrir Grosswallstadt
en Sverre Andreas Jakobsson lék í vörn liðsins.
Gummersbach - Dormagen 31-28
Róbert Gunnarsson skoraði tvö marka Gumm.
Norska úrvalsdeildin
Stabæk - Hönefoss 0-1
Pálmi Rafn Pálmason var í byrjunarliði Stabæk
og Kristján Örn Sigurðsson lék allan leikinn hjá H.
ÚRSLIT
FÓTBOLTI Það fór betur en á horfð-
ist hjá Bayern München þegar liðið
vann 1-0 sigur á Lyon á heimavelli
sínum í fyrri viðureign liðanna í
undanúrslitum Meistaradeildar
Evrópu. Liðið missti lykilmann
sinn, Franck Ribery, út af með
rautt spjald strax í fyrri hálfleik
en hinn galdramaðurinn í liði Bæj-
ara, Arjen Robben, skoraði glæsi-
legt sigurmark liðsins í síðari hálf-
leik.
Markið skoraði hann með
þrumuskoti af rúmlega 30 metra
færi á 68. mínútu. Boltinn virtist
reyndar breyta aðeins um stefnu á
Thomas Müller en Robben átti tví-
mælalaust heiðurinn að markinu.
Í fjórðungsúrslitum keppninn-
ar sló Bayern út stórlið Manchest-
er United með öðru glæsimarki
Robben sem hefur reynst liði sínu
afar dýrmætur í keppninni.
Leikurinn var mjög fjörugur.
Bayern byrjaði mun betur en
það breyttist allt þegar Ribery
fékk rauða spjaldið á 37. mínútu.
Þá var hann of seinn í tæklingu
og óð í ökklann á Lisandro Lopez
sem meiddist þó ekki illa. Enginn
vafi var um að brotið verðskuldaði
rautt spjald.
Lyon tók völdin eftir þetta en
náði ekki að skapa sér mörg færi.
En aftur breyttist leikurinn í upp-
hafi síðari hálfleiks þegar Jeremy
Toulalan fékk tvær áminningar
með aðeins þriggja mínútna milli-
bili og þar með rautt.
Við það náði Bayern aftur frum-
kvæðinu og það skilaði sér með
glæsimarki Robben, sem fyrr
segir. Besta færi liðsins þess fyrir
utan fékk reyndar Müller skömmu
áður en Toulalan fékk rauða spjald-
ið en honum skrikaði fótur þegar
hann fékk boltann á besta stað
fyrir framan mark gestanna.
Staða Lyon er þó alls ekki slæm.
Liðið á heimaleikinn eftir og er
ljóst að Ribery verður ekki með
Bæjurum í þeim leik – né held-
ur Daniel Pranjic. Hann var eini
leikmaður Bayern sem var á gulu
spjaldi fyrir leikinn og fékk hann
einmitt áminningu í leiknum í gær.
Bayern endurheimtir að vísu fyrir-
liðann Mark van Bommel úr leik-
banni. eirikur@frettabladid.is
Rothögg Robben
Arjen Robben var enn og aftur hetja Bayern
München þegar hann skoraði eina mark leiks liðsins
gegn Lyon í undanúrslitum Meistaradeildar Evrópu.
HETJAN Arjen Robben fagnar marki sínu
í gær en það var sérlega glæsilegt.
NORDIC PHOTOS/BONGARTS