Fréttablaðið - 30.04.2010, Blaðsíða 10
10 30. apríl 2010 FÖSTUDAGUR
GOS Í EYJAFJALLAJÖKLI
Hópur erlendra sjálfboða-
liða á vegum sjálfboðaliða-
samtakanna SEEDS hjálp-
aði til við að hreinsa ösku
af túnum undir Eyjafjöll-
um. Sjálfboðaliðarnir segja
það góða tilfinningu að geta
hjálpað fólki.
„Það kom mér á óvart hvað var
mikið af ösku, og hversu þétt hún
var eftir rigningar. Eftir að verk-
inu var lokið gengum við upp á hól
nærri bænum. Við sáum hvernig
grasið var að rembast við að kom-
ast upp úr öskunni, og það minnti
mig á fugla sem festast í olíuflekk
og eru við það að kafna.“
Svona lýsir Matic Kraševec,
sjálfboðaliði frá Slóveníu, upplif-
un sinni af því að moka ösku af
túnum á bænum Moldnúpi undir
Eyjafjöllum.
Hópur átta sjálfboðaliða frá
sjö löndum tók þátt í hreinsunar-
starfinu, og er von á fleiri erlend-
um sjálfboðaliðum til að hreinsa
til eftir öskufallið. Fólkið, sem
flest er á aldrinum 20 til 30 ára,
kom sérstaklega hingað til lands
til að stunda sjálfboðaliðastörf,
en átti ekki von á því að hluti af
störfunum yrði að hreinsa til eftir
eldgos.
„Ég heimsótti svæðið þar sem
öskufallið var hvað mest áður en
gosið í Eyjafjallajökli byrjaði, svo
það var mikið sjokk að sjá hvern-
ig askan hefur lagst yfir þetta
fallega landslag. Það hefur allt
breyst,“ segir Anais Kerroc‘h,
sjálfboðaliði frá Frakklandi.
„Það tóku allir mjög vel á móti
okkur fyrir austan og skýrðu
fyrir okkur hvað þurfti að gera
og hvers vegna. Það var þykkt
lag af ösku á túnunum við bónda-
bæinn, og við þurftum að moka
henni upp og keyra burtu á hjól-
börum.“
Bæði Anais og Matic segjast
meira en tilbúin til að fara aftur
austur fyrir fjall til að hjálpa til
við að hreinsa upp öskuna, enda
ætla þau að dvelja áfram hér á
landi fram á sumar. „Það veltur
á því hvort íbúarnir hafa verk-
efni fyrir okkur, en ég held að við
værum alveg tilbúin til að gera
miklu meira,“ segir Matic.
„Ég ætlaði upphaflega að
vinna við verkefni í Þórsmörk,
en af augljósum ástæðum gekk
það ekki eftir. Þegar ég heyrði af
möguleikanum að hjálpa til við að
hreinsa til eftir eldgosið stökk ég
á það,“ segir Anais.
„Það er gott að geta hjálp-
að fólki, askan hefur lagst yfir
stór svæði og það er mikilvægt
verk að koma henni í burtu. Það
er góð tilfinning að hjálpa þeim
sem virkilega þurfa á aðstoð að
halda,“ segir hún.
„Fyrir mig er þetta eitthvað
sem ég varð að gera, vinna við
hliðina á eldfjalli sem er að gjósa,
þetta er minning sem verður með
mér alla ævi. Ég sótti um styrkinn
til að koma hingað fyrir hálfu ári,
og svo gerist þetta einmitt þegar
ég er hérna. Ég hefði ekki getað
verið heppnari,“ segir Matic.
Þau viðurkenna bæði að vinir
og fjölskyldan heima hafi smá
áhyggjur af þeim á Íslandi þegar
eldfjöllin gjósa hvert á fætur
öðru. Matic segir sjálfboðalið-
ana þó einnig geta hjálpað við að
leiðrétta þann leiða misskilning
að hér sé allt í kalda kolum, með
því að veita fjölmiðlum í heima-
löndum sínum viðtöl. Sjálfur hafi
hann veitt slóvenskum fjölmiðli
viðtal, og einhverjir hafi talað við
danska og þýska sjónvarpsmenn.
brjann@frettabladid.is
Minningin um eldgosið endist alla ævi
ÁHYGGJUR Anais Kerroc‘h og Matic
Kraševec segja vini og fjölskyldu heima
vissulega hafa áhyggjur af þeim vegna
eldgossins, en eru sjálf alls óbangin.
FRÉTTABLAÐIÐ/GVA
SJÁLFBOÐALIÐAR Hópur erlendra sjálfboðaliða tók til hendinni við bæinn Moldnúp
undir Eyjafjöllum í vikunni, enda mikið magn af ösku sem þurfti að moka burtu af
bæjarhlaðinu. MYND/MEIR KFIR
„Hreinsunarstarf eftir eldgosið passar mjög vel fyrir okkar sjálfboðaliða og
fellur vel að þeim verkefnum sem við höfum verið að sinna,“ segir Oscar-
Mauricio Uscategui, framkvæmdastjóri samtakanna SEEDS.
„Okkar verkefni snúast um að sinna þörfum mismunandi samfélaga,
hvort sem í því felst að hreinsa til eftir eldgos, planta trjám eða leggja
göngustíga um viðkvæm svæði,“ segir Oscar. „Við erum mjög ánægð með
árangurinn og ætlum að senda fleiri hópa til að taka til hendinni sem fyrst.“
„Sjálfboðaliðunum okkar finnst líka áhugavert að taka þátt í þessu
verkefni, fyrir þá er þetta einstakt tækifæri að vinna við hreinsunarstarf eftir
eldgos á Íslandi,“ segir Anna Lúðvíksdóttir, verkefnisstjóri hjá SEEDS.
Tæplega 20 sjálfboðaliðar eru staddir hér á landi á vegum SEEDS um
þessar mundir, en alls er búist við tæplega 700 sjálfboðaliðum hingað til
lands í ár. Oscar segir eldgosin alls ekki hafa spillt fyrir, Ísland sé spennandi í
augum ungs fólks sem vilji stunda sjálfboðavinnu. Helsti höfuðverkurinn sé
að skipuleggja ferðir til og frá landinu þegar flugvellir loki vegna öskufalls.
Einstakt tækifæri fyrir sjálfboðaliðana
www.xd.is/reykjavik
1. maí kaffi í kosningamiðstöðvum
Sjálfstæðisflokksins í Reykjavík
Laugardaginn 1. maí bjóðum við gestum og gangandi
upp á kaffi og með því í kosningamiðstöðvum okkar
víðs vegar um borgina. Frambjóðendur Sjálfstæðis-
flokksins í Reykjavík verða á staðnum.
Allir velkomnir í kaffi og spjall.
12:00 – 14:00
Grill á vegum sjálfstæðisfélagsins í Árbæ við Árbæjarlaug.
14:00 - 16:00
Breiðholt: Álfabakka 14a, Mjódd.
Laugarnes, Tún, Langholtshverfi og Vogar: Norðurbrún 2.
15:00 - 17:00
Árbær, Selás, Ártúns- og Norðlingaholt: Hraunbæ 102b.
Grafarvogur: Hverafold 5.
Grafarholt: Kirkjustétt 2-6.
Velkomin á opnun
kosningamiðstöðva
Rjúkandi
kaffi, grillaðar
pylsur og svífandi
blöðrur!